Vizag: భారత్ మ్యాచ్‌లో సడన్‌గా సీఎం జగన్ ప్రత్యక్షం! అవాక్కైన ఫ్యాన్స్
ABN , First Publish Date - 2023-11-16T04:26:55+05:30 IST
మ్యాచ్‌ ప్రారంభమై ఆసక్తిగా సాగుతున్న సమయంలో ఉన్నట్టుండి ప్రత్యక్ష ప్రసారాన్ని ఆపేసి.. వైసీపీకి చెందిన ఫైల్‌ ఫొటోలు వేయడం ప్రారంభించారు. సీఎం జగన్ క్రికెట్‌ ఆడుతున్న చిత్రాలను
మ్యాచ్‌ లైవ్‌ అంటూ పిలిచి.. ఏసీఏ పొలిటికల్‌ గేమ్‌
విశాఖపట్నం, నవంబరు 15 (ఆంధ్రజ్యోతి): ఆంధ్రా క్రికెట్‌ అసోసియేషన్‌ (ఏసీఏ) క్రికెట్‌ మ్యాచ్‌ లైవ్‌ షో పేరుతో అధికార వైసీపీకి నిస్సిగ్గుగా రాజకీయ ప్రచారం చేసింది. క్రీడల్లో రాజకీయం చొప్పించి విశాఖ క్రికెట్‌ అభిమానులతో ‘ఛీ’ కొట్టించుకుంది. భారత్-న్యూజిలాండ్‌ మధ్య ముంబై వేదికగా బుధవారం సెమీఫైనల్‌ జరిగింది. విశాఖ బీచ్‌లో బిగ్‌ స్ర్కీన్‌ ఏర్పాటు చేసి మ్యాచ్‌ ప్రత్యక్ష ప్రసారం చేశారు. జిల్లా అధికారులు సహకారం అందించా రు. మ్యాచ్‌ ప్రారంభమై ఆసక్తిగా సాగుతున్న సమయంలో ఉన్నట్టుండి ప్రత్యక్ష ప్రసారాన్ని ఆపేసి.. వైసీపీకి చెందిన ఫైల్‌ ఫొటోలు వేయడం ప్రారంభించారు. సీఎం జగన్ క్రికెట్‌ ఆడుతున్న చిత్రాలను బిగ్‌ స్ర్కీన్‌పై ప్రదర్శించారు. అంతేకాకుండా ఢిల్లీ మద్యం కేసులో జైలుకు వెళ్లిన ఏసీఏ అధ్యక్షుడు శరత్‌చంద్రారెడ్డి సీఎం జగన్‌తో ఉన్న ఫొటోలు ప్రదర్శించారు.
