గుమ్మడికాయ ముఖ్యంగా భారతీయుల వంటకాల్లో, స్వీట్స్ తయారీలో తప్పక వాడుతుంటారు. అయితే గుమ్మడికాయను విదేశాల్లో కూడా మంచి గుర్తింపు ఉంది. దీనిని అక్కడ వంటకాల్లో వాడకపోయినా.. గుమ్మడికాయలను పోటీ పడిమరీ భారీ ఆకారాల్లో పండిస్తారు. దసరాల్లో మనం గుమ్మాలకు దిష్టి తీసి పగలగొడితే.. విదేశాల్లో కూడా అలాంటి పండుగే జరుగుతుంది. అయితే ఇన్ని విధాలుగా ఉపయోగపడే గుమ్మడికాయ గింజలు కూడా ఆరోగ్యానికి మంచివనే విషయం ఎందరికి తెలుసు.

గుమ్మడికాయ గింజలు కూడా ఆరోగ్యానికి మేలు చేసే అనేక పోషకాలను కలిగి ఉంటాయి. ఈ విత్తనాలు ప్రోటీన్లు, అసంతృప్త కొవ్వు ఆమ్లాలు, విటమిన్లు, ఖనిజాల గొప్ప మూలం, ఇది అనేక తీవ్రమైన వ్యాధులతో పోరాడే సామర్థ్యాన్ని ఇస్తుంది. ఈ గుమ్మడికాయ గింజలను ఉదయం ఖాళీ కడుపుతో, సాయంత్రం అల్పాహారంగా తినవచ్చు. ఈ విత్తనం కిరాణా దుకాణంలో సులభంగా దొరుకుతాయి.

గుమ్మడికాయ గింజలు తినడం వల్ల కలిగే ప్రయోజనాలు..

గుమ్మడి గింజల్లో యాంటీ ఇన్‌ఫ్లమేటరీ గుణాలు ఉన్నాయి. దీన్ని తినడం వల్ల శరీరంలో ఎలాంటి వాపునైనా తగ్గించుకోవచ్చు. గుమ్మడికాయ గింజల్లో అనేక యాంటీ ఆక్సిడెంట్లు పుష్కలంగా ఉంటాయి, ఇవి వ్యాధితో పోరాడే మన కణాల సామర్థ్యాన్ని అభివృద్ధి చేస్తాయి. గుమ్మడి గింజల్లో అధిక మొత్తంలో మెగ్నీషియం ఉంటుంది. మెగ్నీషియం కంటెంట్ రక్తంలో చక్కెర స్థాయిలను నియంత్రించడంలో సహాయపడుతుంది, మధుమేహ ప్రమాదాన్ని తగ్గిస్తుంది.

ఇది కూడా చదవండి: వాడేసిన ప్రతి వస్తువునూ మరోలా ఉపయోగించుకోవచ్చని తెలుసా.. అయితే ఈ సీసాలతో కొత్తగా ట్రై చేయండి.. మరి.

నాలుగు కప్పుల ఎండిన గుమ్మడి గింజల్లో కేలరీలు 180, ప్రోటీన్ 10 గ్రాములు, కొవ్వు 16 గ్రాములు, కార్బోహైడ్రేట్ 3 గ్రాములు, ఫైబర్ 2 గ్రాములు, చక్కెర 0 గ్రాములు ఉంటాయి. ఈ గింజల్లో ఉండే మెగ్నీషియం రక్తపోటును తగ్గించడంలో నియంత్రించడంలో సహాయపడుతుంది. ఈ విత్తనాలు గుండెపోటు ప్రమాదాన్ని కూడా తగ్గిస్తుంది. రాత్రిపూట గుమ్మడికాయ గింజలు తినడం వల్ల నిద్ర నాణ్యత మెరుగుపడుతుంది.