Michigan: 138 ఏళ్ల నిరీక్షణ.. ఆడబిడ్డ కోసం తపించిపోయిన అమెరికన్ ఫ్యామిలీ.. చివరికి
ABN , First Publish Date - 2023-04-07T07:34:42+05:30 IST
ఒకటి, రెండు కాదు ఏకంగా 138 ఏళ్ల నిరీక్షణకు తెరదించుతూ అమెరికాకు చెందిన ఓ కుటుంబంలో ఆడపిల్ల పుట్టింది.
వాషింగ్టన్‌, ఏప్రిల్‌ 6 : ఒకటి, రెండు కాదు ఏకంగా 138 ఏళ్ల నిరీక్షణకు తెరదించుతూ అమెరికాకు చెందిన ఓ కుటుంబంలో ఆడపిల్ల పుట్టింది. అమెరికా, మిషిగాన్‌లోని (Michigan) కలడోనియాలో నివసించే క్లార్క్‌ కుటుంబంలో 1885 తర్వాత ఒక్క ఆడపిల్ల (Baby Girl) కూడా పుట్టలేదు. దీంతో తరతరాలుగా ఆ కుటుంబం ఆడపిల్ల కోసం చూస్తుంది. అయితే, ఆ కుటుంబానికి చెందిన ఆండ్రూ క్లార్క్‌, కరోలిన్‌ దంపతులకు రెండో సంతానంగా ఇటీవల ఆడపిల్ల పుట్టింది. దీంతో క్లార్క్‌ వంశం ఆనందంతో ఉబ్బితబ్బిబు అవుతుంది. కరోలిన్‌ మార్చి 17న పండంటి ఆడ శిశువుకు జన్మనివ్వగా.. ఆ బిడ్డకు ఆండ్రే అని పేరు పెట్టారు.
