Raghunandana Rao: కడియం శ్రీహరి వ్యాఖ్యలను బీజేపీ ఖండిస్తుంది

హైదరాబాద్: బీఆర్ఎస్ ఎమ్మెల్యే కడియం శ్రీహరి ( Kadiam Srihari ) వ్యాఖ్యలను బీజేపీ ఖండిస్తుందని ఆ పార్టీ నేత రఘునందనరావు ( Raghunandana Rao ) అన్నారు. శనివారం నాడు ఆయన మీడియాతో మాట్లాడుతూ...‘‘ కడియం సీనియర్ శాసనసభ్యుడిగా ఈ వ్యాఖ్యలు చేయడం తగదు. కడియం వ్యాఖ్యలు ఆయన వ్యక్తిగతం.ఎంఐఎంతో బీఆర్ఎస్ అంటకాగితే మాకు సంబంధం లేదు. ప్రభుత్వంలో కడియం చేయాలనుకుంటే మాకు సంబంధం లేదు. ప్రజాస్వామ్య యుతంగా బీజేపీ ప్రతిపక్ష పాత్రను పోషిస్తుంది. సోషల్ మీడియాలో సొంతపార్టీ కార్యకర్తలు వ్యతిరేకంగా వ్యాఖ్యలు చేయకూడదు. పార్టీకి వ్యతిరేకంగా పెడుతున్న పోస్ట్‌లను పార్టీ గమనిస్తుంది. నేను పెట్టిన పోస్ట్ కార్యకర్తల్లో ఉత్సాహం నింపేందుకే పెట్టాను. దానిలో తప్పు అర్థం తీసుకోవాల్సిన పని లేదు’’ అని రఘునందనరావు తెలిపారు.