TDP: ఖమ్మం టీడీపీ ఆఫీసులో రసాభాస

ఖమ్మం: అంతర్జాతీయ మహిళా దినోత్సవ సందర్భంగా ఖమ్మం (Khammam) నగరంలోని తెలుగుదేశం (TDP) పార్టీ కార్యాలయంలో రసాభాస అయ్యింది. రెండు వర్గాలు ఒకరిపై ఒకరు దాడికి పాల్పడ్డారు. పార్టీ ఆఫీసులోనే వేరువేరుగా ఆందోళనకు రెండు వర్గాలు దిగాయి. టీడీపీ మాజీ ఎమ్మెల్యే రాష్ట్ర నాయకురాలు కాట్రగడ్డ ప్రసూన్న (Katragadda Prasuna) తమపై దాడికి దిగారని టీడీపీ తెలుగు యువత అధ్యక్షుడు నల్లమల్ల రంజిత్ (Nallamala Ranjith) ఆరోపిస్తున్నారు. వికలాంగుడు అని చూడకుండా ప్రసూన్న ఆమె అనుచరులు దాడి చేశారని ఆవేదన వ్యక్తం చేశారు. వెంటనే కాట్రగడ్డ ప్రసూన్న క్షమాపణ చెప్పాలని నిరసన వ్యక్తం చేస్తున్నారు. మన వైపు తెలుగు యువత నాయకులు తమపై దాడి చేశారని కాట్రగడ్డ ప్రసూన ఇతర మహిళ నేతలు పార్టీ కార్యాలయంలో మరోవైపు నిరసనకు దిగారు. మహిళలను చూడకుండా అసభ్యకరంగా మాట్లాడుతూ తమపై దాడి చేశారని కాట్రగడ్డ ప్రసూన ఆరోపిస్తున్నారు. ఈ నేపథ్యంలో అక్కడ పరిస్థితి ఉద్రిక్తంగా మారింది.