CM Revanth Reddy: ఢిల్లీకి మరోసారి వెళ్లనున్న సీఎం రేవంత్ రెడ్డి..

హైదరాబాద్: తెలంగాణ ముఖ్యమంత్రి రేవంత్ రెడ్డి మరోసారి ఢిల్లీకి వెళ్లనున్నారు. ఈనెల 11 నుంచి 13 వరకూ రాజస్థాన్, ఢిల్లీ రాష్ట్రాల్లో ముఖ్యమంత్రి పర్యటించనున్నారు. ముందుగా ఈనెల 11న రాజస్థాన్ రాష్ట్రం జైపూర్‌కు ముఖ్యమంత్రి వెళ్లనున్నారు. అక్కడ కొన్ని వ్యక్తిగత పనులు పూర్తి చేసుకున్న అనంతరం ఈనెల 12, 13 తేదీల్లో ఢిల్లీ పెద్దలను రేవంత్ రెడ్డి కలవనున్నారు. రెండ్రోజులపాటు దేశ రాజధానిలో పర్యటించి రాష్ట్రానికి సంబంధించిన పలు అంశాలపై కేంద్ర మంత్రులతో చర్చించనున్నారు. రాష్ట్రానికి రావాల్సిన నిధులు, అనుమతులపై కేంద్ర మంత్రులకు వినతులు ఇవ్వనున్నారు.

కాగా, తెలంగాణ రాష్ట్రంలో నామినేటెడ్ పోస్టుల భర్తీ, క్యాబినెట్ విస్తరణ తదితర అంశాలపై కాంగ్రెస్ అధిష్ఠానంతో సీఎం రేవంత్ రెడ్డి మాట్లాడనున్నారు. సీఎంతోపాటు పలువురు మంత్రులూ ఢిల్లీకి వెళ్లే అవకాశం ఉంది. క్యాబినెట్ విస్తరణపై ఆశావహులు ఇప్పటికే ఎదురు చూస్తుండగా.. ఈ అంశం కొన్ని నెలలుగా వాయిదా పడుతూ వస్తోంది. ఈసారైనా దీనిపై స్పష్టత వస్తుందో, లేదో అని కాంగ్రెస్ వర్గాలు అంతర్గతంగా చర్చించుకుంటున్నారు. మరోవైపు నేడు (సోమవారం) అసెంబ్లీ సమావేశాలు జరగగా, ఈనెల 16వ తేదీకి సభ వాయిదా పడింది. దీంతో సీఎం రేవంత్ రెడ్డి, మంత్రులు మంగళవారం రోజు ఢిల్లీ వెళ్లనున్నారు. అయితే సోమవారం రాత్రికే మంత్రి సీతక్క ఢిల్లీ వెళ్లనున్నారు. రేపు రాహుల్ గాంధీతో సీతక్క ప్రత్యేకంగా భేటీ కానున్నారు.

ఈ వార్తలు కూడా చదవండి:

Hyderabad: వారిపై పోలీసులు అసభ్యకరంగా దాడి చేశారంటూ ఎన్‌హెచ్‌ఆర్‌సీకి ఫిర్యాదు..

Hyderabad: టాలీవుడ్ డాన్స్ మాస్టర్స్ అసోసియేషన్ ఎన్నికలు.. కీలక వ్యాఖ్యలు చేసిన జానీ మాస్టర్..