Tummla : రైతులకు ఎరువులు సమయానికి అందాలి..
ABN , Publish Date - Aug 25 , 2024 | 04:33 AM
రైతులకు సమయానికి ఎరువులు అందేలా చూడాలని వ్యవసాయ శాఖ మంత్రి తుమ్మల నాగేశ్వరరావు అధికారులకు సూచించారు.
డీలర్లు బ్లాక్‌ చేస్తే కఠినచర్యలు: మంత్రి తుమ్మ
హైదరాబాద్‌, ఆగస్టు 24 (ఆంధ్రజ్యోతి): రైతులకు సమయానికి ఎరువులు అందేలా చూడాలని వ్యవసాయ శాఖ మంత్రి తుమ్మల నాగేశ్వరరావు అధికారులకు సూచించారు. డీలర్లు ఎరువులను బ్లాక్‌ చేస్తే కఠినచర్యలు తీసుకోవాలని ఆదేశించారు. శనివారం సచివాలయంలో ఎరువుల పరిస్థితిపై సమీక్షించారు.
రైతులకు అవసరమైన ఎరువులు అందుబాటులో ఉన్నాయని అధికారులు వివరించారు. జిల్లా కేంద్రాల నుంచి గ్రామాలకు అవసరమైన మేర ముందుగానే పంపించేలా ఏర్పాట్లు చేయాలని మంత్రి సూచించారు. ఎరువుల లభ్యతపై ఎప్పటికప్పుడు తనిఖీలు చేయాలన్నారు
