IMD Alert: ఢిల్లీని కప్పేసిన పొగమంచు...ఐఎండీ కోల్డ్‌వేవ్ అలర్ట్ జారీ

న్యూఢిల్లీ: ఉత్తర భారతదేశం పరిధిలోని పలు రాష్ట్రాలను దట్టమైన పొగమంచు కప్పేసింది. ఉత్తరభారతదేశంలోని పలు రాష్ట్రాల్లో కమ్ముకున్న దట్టమైన పొగమంచుతో భారత వాతావరణ శాఖ (ఐఎండీ) కోల్డ్ వేవ్ అలర్ట్ జారీ చేసింది.(IMD issues cold wave alert)పంజాబ్, హర్యానా, చండీగఢ్, ఢిల్లీ, ఉత్తర రాజస్థాన్, ఉత్తరప్రదేశ్‌ రాష్ట్రాల్లో దట్టమైన పొగమంచు అలముకుంది.(Dense fog) దేశ రాజధాని నగరమైన ఢిల్లీలో మంగళవారం కనిష్ఠ ఉష్ణోగ్రత 6 డిగ్రీల సెల్సియస్‌గా నమోదైంది. సంవత్సరాంతంలో ఉత్తర భారతదేశంలో(North India) చలికాలం చల్లగా మారింది.

ఢిల్లీ, ఉత్తరప్రదేశ్, పంజాబ్, బీహార్ సహా ఉత్తర భారతదేశంలోని రాష్ట్రాల్లో ఉష్ణోగ్రతలు తగ్గుముఖం పట్టాయి.పంజాబ్, హర్యానా, చండీగఢ్, ఢిల్లీ, ఉత్తర రాజస్థాన్, ఉత్తరప్రదేశ్‌లలో కమ్ముకున్న దట్టమైన పొగమంచుతో రోడ్లపై వాహనాల రాకపోకలకు దారి కూడా కనిపించడం లేదు.దేశ రాజధానిలో కాలుష్య స్థాయి తీవ్రమైన కేటగిరీలో కొనసాగుతోంది.భటిండా, అమృత్‌సర్, గంగానగర్, పాటియాలా, ఢిల్లీ, లక్నో,పూర్నియా,అంబాలా ఆగ్రా, గోరఖ్‌పూర్,బరేలీ, పాట్నా, గయా, కోల్‌కతాలలో కమ్ముకున్న పొగమంచుతో దారి కనిపించక వాహనాల రాకపోకలు తగ్గాయి.