Janasena Leaders : SSS పేరుతో అంబటి రాంబాబుపై సినిమా.. ముంబై రెడ్ లైట్ ఏరియా నుంచి హీరోయిన్లు..

తిరుపతి : జనసేన అధినేత పవన్ కళ్యాణ్ పై అనుచిత వ్యాఖ్యలు చేసినందుకు నిరసనగా తిరుపతిలో జనసేన నేతలు వినూత్న నిరసనకు దిగారు. SSS పేరుతో మంత్రి అంబటి రాంబాబుపై సినిమాకు ముహూర్తం షాట్ చిత్రీకరించారు. ఈ సందర్భంగా ప్రత్యేక పూజలు సైతం నిర్వహించారు. ఈ సందర్భంగా తిరుపతి జనసేన పార్టీ నేతలు మీడియాతో మాట్లాడుతూ.. SSS అంటే ఏంటో చెప్పారు.

SSS సందులో సంబరాల శ్యాంబాబు అని వెల్లడించారు. హీరోయిన్స్‌గా ఇద్దరిని ముంబయి రెడ్ లైట్ ఏరియా నుంచి తీసుకొస్తామని తెలిపారు. రెడ్ లైట్ ఏరియా నుంచి రాక పోతే కలకత్తా.. చాందినీ గంజ్ నుంచి హీరోయిన్‌లను తీసుకొస్తామన్నారు. జగ్గూ బాయి సమర్పణలో సినిమాను రూపొందిస్తామన్నారు. ప్రాజెక్టు గురించి మాట్లాడాల్సిన రాంబాబు మా అధ్యక్షుల గురించి మాట్లాడితే రాబోయే రోజుల్లో xxx రాంబాబు అనే సినిమా తీస్తామన్నారు. ఇంకా రకరకాల రూపాల్లో నిరసనను కొనసాగిస్తామని తిరుపతి జనసేన నేతలు హెచ్చారించారు.