Viral Video: బావిలో పడిన పిల్లి.. కాపాడేందుకు ప్రయత్నించిన కోతి.. కుదరకపోవడంతో ఏం చేసిందో చూడండి..

సోషల్ మీడియా అందుబాటులోకి వచ్చాక రకరకాల వీడియోలు అందుబాటులోకి వస్తున్నాయి. వాటిల్లో జంతువులకు సంబంధించిన వీడియోలు (Animal Videos) చాలా మందిని ఆకట్టుకుంటున్నాయి. ముఖ్యంగా జంతువుల్లో సాటి జీవుల పట్ల కనిపించే జాలి, కరుణ చాలా మందిని ఫిదా చేస్తున్నాయి. తాజాగా అలాంటి వీడియో ఒకటి సోషల్ మీడియాలో వైరల్ (Viral Video) అవుతోంది.

వైరల్ అవుతున్న ఆ వీడియోలో.. ఒక పాడుబడిన బావిలో ఓ పిల్లి పిల్ల (Kitten) పడిపోయింది. బయటకు రావడానికి దానికి మార్గం తెలియలేదు. ఆ పిల్లి అరుపులు విని ఓ కోతి (Monkey) ఆ బావి దగ్గరకు వెళ్లింది. లోపల ఉన్న పిల్లిని చూసి ఆ కోతి కూడా బావిలోకి దిగింది. ఆ పిల్లిని రక్షించేందుకు ప్రయత్నించింది. పిల్లిని ఎత్తుకుని బావి పైకి విసిరేందుకు ప్రయత్నించింది. అయితే ఆ కోతికి బలం సరిపోలేదు. దీంతో అది బావి పైకి, లోపలికి తిరుగుతూ అక్కడే ఉండిపోయింది (Monkey saves kitten).

Viral: ఏంటయ్యా ఇది.. కూతురు మారాం చేస్తోందని బెంజ్ కారు గిఫ్ట్‌గా ఇచ్చాడు.. నెటిజన్లు ఏమంటున్నారంటే..

ఇంతలో ఓ బాలిక వచ్చి ఆ పిల్లిని బావి నుంచి రక్షించింది. ఈ వీడియో సోషల్ మీడియాలో వైరల్ అవుతోంది. ``తమ స్నేహితులైన ఈ జీవుల నుంచి మానవులు ఎంతో నేర్చుకోవాలి``, ``కోతులు నిజంగా చాలా గొప్పవి``, ``చాలా అద్భుతం`` అంటూ నెటిజన్లు ఈ వీడియోపై కామెంట్లు చేస్తున్నారు. ఈ వీడియో ఇప్పటివరకు 30 లక్షలకుపైగానే వ్యూస్ దక్కించుకుంది.