NRI: తానా మిడ్ - అట్లాంటిక్ మహిళా విభాగం ఆధ్వర్యంలో ఘనంగా లేడీస్ నైట్ ఈవెంట్‌

ఎన్నారై డెస్క్: తానా మిడ్ - అట్లాంటిక్ మహిళా విభాగం ఆధ్వర్యంలో ఈ నెల 14న ఫిలడెల్ఫియాలో లేడీస్ నైట్ ఈవెంట్‌ ఘనంగా జరిగింది (NRI). 400 మందికి మహిళలు హాజరైన ఈ వేడుకలకు ప్రముఖ నటి, వ్యాఖ్యాత సుమ ముఖ్య అతిథిగా ఎనర్జిటిక్ టోన్ సెట్ చేశారు. ప్రత్యేక అతిథి మిర్చి భార్గవి తన ఆకర్షణీయమైన హోస్టింగ్‌తో అలరించారు. హాజరైనవారు ఆటలు, రుచికరమైన విందు, అందమైన సంగీతంతో సహా నాలుగు గంటల వినోదాన్ని ఆస్వాదించారు.

Dr Chandrasekhar Pemmasani: ‘సమాజం కోసమే రాజకీయాల్లోకి వచ్చా’

తానా మిడ్ అట్లాంటిక్ మహిళల బృందం ఈ కార్యక్రమాన్ని విజయవంతం చేసేందుకు అవిశ్రాంతంగా పనిచేసింది. మిడ్-అట్లాంటిక్ మహిళా కమిటీ ఛైర్ సరోజా పావులూరి నేతృత్వంలోని బృందం ఈ కార్యక్రమాన్ని అద్భుతంగా నిర్వహించింది. రాజేశ్వరి కొడాలి, భవాని క్రోతపల్లి, మనీషా మేక, సునీత వాగ్వాల, మైత్రి, నీలిమ వోలేటి, రమ్య మాలెంపాటి, రవీనా తుమ్మల, భవానీ మామిడి, బిందు లంక, సౌజన్య కోగంటి, సలేహా కిల్లేధర్ తదితరుల కృషిని కార్యక్రమానికి హాజరైన వారందరూ అభినందించారు.

TANA: తానా 2025 సభల సమన్వయకర్త నియామక ప్రక్రియ సవాల్

తానా బోర్డ్ ఆఫ్ డైరెక్టర్ రవి పొట్లూరి తన ప్రసంగంలో, మహిళలకు అభినందనలు తెలిపారు. అవిగ్నా జ్యువెల్స్ దీప్తి, బాలాజీ ఫ్లవర్స్‌ సహా వాలంటీర్లు, దాతలకు తన అభినందనలు తెలిపారు. 2025 జూలై 3 నుంచి 5 వరకు డెట్రాయిట్‌లో 24వ తానా మహాసభలు జరగబోతున్నాయని తెలిపారు. ఈ కార్యక్రమానికి తానా బోర్డు సెక్రటరీ లక్ష్మీ దేవినేని, కళావేదిక అధ్యక్షురాలు స్వాతి అట్లూరి, తానా మిడ్ అట్లాంటిక్ ప్రాంతీయ సమన్వయకర్త వెంకట్ సింగు, సతీష్ తుమ్మల, సునీల్ కోగంటి తదితరులు హాజరయ్యారు. అందమైన అలంకరణలకు ఫణి కంతేటి, సంగీతాన్ని అందించినందుకు డీజే నందా, ఫోటోగ్రఫీ లహరికి హృదయపూర్వక కృతజ్ఞతలు తెలిపారు.

Read Latest and NRI News