water shortage దిన్నెమీదపల్లిలో తీవ్ర తాగునీటి ఎద్దడి
ABN , Publish Date - Apr 03 , 2025 | 12:19 AM
మండలంలోని దిన్నెమీదపల్లిలో తాగునీటి బోరు చెడిపోయిందని, దీంతో మూడు రోజులుగా తాగునీటి ఎద్దడి నెలకుందని గాంధీనగర్‌ వాసులు వాపోతున్నారు.
నంబులపూలకుంట, ఏప్రిల్‌ 2(ఆంధ్రజ్యోతి): మండలంలోని దిన్నెమీదపల్లిలో తాగునీటి బోరు చెడిపోయిందని, దీంతో మూడు రోజులుగా తాగునీటి ఎద్దడి నెలకుందని గాంధీనగర్‌ వాసులు వాపోతున్నారు. ఆ గ్రామానికి సమీంలోని ఆర్డీటీ స్వచ్ఛంద సంస్థ ఏర్పాటు చేసిన బోరు నీటితో దాహార్తిని తీర్చుకుంటున్నామన్నారు. గ్రామం మొత్తానికి ఆ బోరు నీరే దిక్కు కావడంతో.. నీటి కోసం గంటల తరబడి వేచి ఉండాల్సి వస్తోందన్నారు. రక్షిత తాగునీటి బోరు చెడిపోయిందని అధికారులకు చెప్పినా పట్టించుకోలేదన్నారు. ఇప్పటికైనా అధికారులు స్పందించాలని విజ్ఞప్తి చేస్తున్నారు.
