Mega Job Fair 25న పాలకొండలో మెగా జాబ్‌మేళా

పార్వతీపురం, మార్చి 21(ఆంధ్రజ్యోతి): పాలకొండలోని ఈ నెల 25న సంకల్ప్‌ మెగా జాబ్‌మేళాను నిర్వహిస్తున్నట్టు జిల్లా నైపుణ్యాభివృద్ధి అధికారి కె.సాయికృష్ణచైతన్య శుక్రవారం ఒక ప్రకటనలో తెలిపారు. పదో తరగతి, ఇంటర్‌, ఐటీఐ, ఏదైనా డిగ్రీ చదువుకున్న వారు, 18 నుంచి 29 ఏళ్ల లోపు యువతీ యువకులు అర్హులన్నారు. 15 కంపెనీలకు చెందిన ప్రతినిధులు ఇంటర్వ్యూలు నిర్వహించి ఉద్యోగాలకు ఎంపిక చేస్తారని పేర్కొన్నారు. ఆసక్తి కలిగిన నిరుద్యోగ యువతీ యువకులు రిఫరెన్స్‌ నెంబర్‌తో పాటు బయోడేటా, ఆధార్‌కార్డు, విద్యార్హత సర్టిఫికెట్లు, పాస్‌పోర్టుసైజ్‌ ఫొటోలతో హాజరుకావాలన్నారు. ముందుగా అభ్యర్థులు తమ వివరాలను హెచ్‌టీటీపీఎస్‌ః//ఎన్‌ఏఐపీయూఎన్‌వైఏఎం. ఏపీ.జీవోవీ.ఇన్‌ వెబ్‌సైట్‌లో నమోదు చేసుకోవాలని సూచించారు. ఉదయం 9 గంటలకు జాబ్‌ మేళా నిర్వహించే సత్యసాయి డిగ్రీ కాలేజ్‌కు రావాలని తెలిపారు. మరిన్ని వివరాలకు 63012 75511, 79937 95796 నెంబర్లకు ఫోన్‌ చేయాలన్నారు.