IPL 2025: మార్ష్, పూరన్ మాస్ హిట్టింగ్.. చివర్లో కట్టడి చేసిన ఢిల్లీ బౌలర్లు.. టార్గెట్ ఎంతంటే..

విశాఖపట్నంలో జరుగుతున్న ఐపీఎల్ (IPL 2025) మ్యాచ్ క్రికెట్ అభిమానులను ఉర్రూతలూగిస్తోంది. టాస్ ఓడి బ్యాటింగ్ దిగిన లఖ్‌నవూ బ్యాటర్లు హార్డ్ హిట్టింగ్‌తో చెలరేగిపోయారు. పూర్తిగా బ్యాటింగ్‌కు సహకరిస్తున్న పిచ్‌పై విధ్వంసం సృష్టించారు (LSG vs DC). నికోల‌స్ పూరన్ (30 బంతుల్లో 7 సిక్స్‌లు, 6 ఫోర్లతో 75), మిచెల్ మార్ష్ (36 బంతుల్లో 6 ఫోర్లు, 6 సిక్స్‌లతో 72) ఆకాశమే హద్దుగా చెలరేగారు. అయితే చివర్లో ఢిల్లీ బౌలర్లు అద్భుతంగా పుంజకోవడంతో లఖ్‌నవూ టీమ్ నిర్ణీత 20 ఓవర్లలో 8 వికెట్లు కోల్పోయి 209 పరుగులు చేసింది.

ఢిల్లీ క్యాపిటల్స్ కెప్టెన్ అక్షర్ పటేల్ టాస్ గెలిచి బౌలింగ్ ఎంచుకున్నాడు. బ్యాటింగ్‌కు దిగిన లఖ్‌నవూ ఓపెనర్ మిచెల్ మార్ష్ మెరుపు వేగంతో హాఫ్ సెంచరీ చేసి ముకేష్ కుమార్ బౌలింగ్‌లో అవుటయ్యాడు. ఇక, ఐదెన్ మార్క్‌రమ్ అవుటైన తర్వాత క్రీజులోకి వచ్చిన నికోలస్ పూరన్ (Nicholas pooran) ఆకాశమే హద్దుగా చెలరేగాడు. వరుస సిక్స్‌లతో చెలరేగాడు. చివరకు మిచెల్ స్టార్క్ బౌలింగ్‌లో అవుటై వెనుదిరిగాడు. కెప్టెన్ రిషభ్ పంత్ పరుగులేమీ చేయకుండానే వెనుదిరిగాడు. డేవిడ్ మిల్లర్ (27 నాటౌట్) వేగంగా ఆడే ప్రయత్నం చేశాడు. ఒక దశలో లఖ్‌నవూ సులభంగా 250 పరుగులు చేస్తుందనిపించింది. అయితే ఢిల్లీ బౌలర్లు చివర్లో బాగా పుంజుకుని ఢిల్లీని కట్టడి చేశారు.

ఢిల్లీ బౌలర్లలో మిచెల్ స్టార్క్, విప్రజ్ నిగమ్, ముకేష్ కుమార్ భారీగా పరుగులు సమర్పించుకున్నారు. అయితే చివర్లో ఢిల్లీ బౌలర్లు కట్టుదిట్టంగా బౌలింగ్ చేసి లఖ్‌‌నవూను కట్టడి చేశారు. మిచెల్ స్టార్క్ మూడు వికెట్లు తీశాడు. కుల్దీప్ యాదవ్ రెండు వికెట్లు తీశాడు. విప్రజ్ నిగమ్, ముకేష్ కుమార్ ఒక్కో వికెట్ తీశారు. చివరకు లఖ్‌నవూ 8 వికెట్లు కోల్పోయి 209 పరుగులు చేసింది. బ్యాటింగ్‌కు అనుకూలించే పిచ్‌పై ఈ పరుగులను ఛేజ్ చేయడం అంత కష్టసాధ్యం కాదు.

ఇవి కూడా చదవండి..

MS Dhoni: ఐపీఎల్ బాగానే ఉంది.. మరింత మసాలా అవసరం లేదు: ఇంపాక్ట్ ప్లేయర్ రూల్‌పై ధోనీ స్పందన

Harbhajan Singh: నల్ల ట్యాక్సీ అంటూ ఆర్చర్‌పై వివాదస్పద వ్యాఖ్యలు.. హర్భజన్‌పై తీవ్ర ఆగ్రహం

మరిన్ని క్రీడా వార్తలు కోసం క్లిక్ చేయండి..