IPL 2025, SRH vs LSG: చితక్కొట్టిన పూరన్.. హైదరాబాద్‌పై లఖ్‌నవూ సునాయాస విజయం
ABN , Publish Date - Mar 27 , 2025 | 11:02 PM
హైదరాబాద్‌లోని ఉప్పల్ స్టేడియం వేదికగా జరిగిన ఐపీఎల్ మ్యాచ్‌లో లఖ్‌నవూ ఘన విజయం సాధించింది. హైదరాబాద్‌పై 5 వికెట్ల తేడాతో గెలుపొందింది. బౌలింగ్, బ్యాటింగ్ విభాగాల్లో పూర్తి ఆధిపత్యం ప్రదర్శించి విజయ కేతనం ఎగురవేసింది. పూర్తిగా బ్యాటింగ్‌కు అనుకూలించే పిచ్‌పై చక్కగా బౌలింగ్ చేసింది.
హైదరాబాద్‌లోని ఉప్పల్ స్టేడియం వేదికగా జరిగిన ఐపీఎల్ (IPL 2025) మ్యాచ్‌లో లఖ్‌నవూ ఘన విజయం సాధించింది. హైదరాబాద్‌పై 5 వికెట్ల తేడాతో గెలుపొందింది. బౌలింగ్, బ్యాటింగ్ విభాగాల్లో పూర్తి ఆధిపత్యం ప్రదర్శించి విజయ కేతనం ఎగురవేసింది (LSG vs SRH). పూర్తిగా బ్యాటింగ్‌కు అనుకూలించే పిచ్‌పై చక్కగా బౌలింగ్ చేసింది. 300 పరుగులు కొట్టాలని ప్లాన్ చేసుకున్న హైదరాబాద్‌ను 200 లోపే ఆపేసింది. శార్దూల్ ఠాకూర్ 4 వికెట్లతో హైదరాబాద్ పతనాన్ని శాసించాడు. అనంతరం నికోలస్ పూరన్ (26 బంతుల్లో 6 సిక్స్‌లు, 6 ఫోర్లతో 70) వీర విహారంతో లఖ్‌నవూ 16.1 ఓవర్లలోనే విజయం సాధించింది.
టాస్ గెలిచిన లఖ్‌నవూ సూపర్ జెయింట్స్ జట్టు బౌలింగ్ ఎంచుకుంది. దీంతో సన్‌రైజర్స్ మొదటి బ్యాటింగ్ చేసింది. నిర్ణీత 20 ఓవర్లలో 9 వికెట్లు కోల్పోయి 190 పరుగులు చేసింది. లఖ్‌నవూ బౌలర్లలో శార్దూల్ ఠాకూర్ (4/34) రాణించడంతో హైదరాబాద్ బ్యాటర్లు తడబడ్డారు. మొదటి నుంచి ఇబ్బంది పడ్డ అభిషేక్ శర్మ (6)ను శార్దూల్ ఠాకూర్ అవుట్ చేశాడు. ఆ తర్వాత బంతికే ఇషాన్ కిషన్ (0)ను కూడా పెవిలియన్‌కు చేర్చాడు.
ఒకవైపు వికెట్లు పడుతున్నా ట్రావిస్ హెడ్ (28 బంతుల్లో 3 సిక్స్‌లు, 5 ఫోర్లతో 47) పరగులు చేశాడు. బౌండరీలతో హోరెత్తించాడు. అయితే ప్రమాదకరంగా మారుతున్న ట్రావిస్ హెడ్‌ను ప్రిన్స్ యాదవ్ బౌల్డ్ చేశాడు. ఆ తర్వాత క్రీజులో నితీష్ కుమార్ రెడ్డి (32), హెన్రిచ్ క్లాసెన్ (26) కాసేపు వికెట్ల పతనాన్ని అడ్డుకున్నారు. చివర్లో అనికేత్ (13 బంతుల్లో 36), ప్యాట్ కమిన్స్ (4 బంతుల్లో 18) కీలకమైన పరుగులు చేశారు.
లఖ్‌నవూ బౌలర్లలో శార్దూల్ నాలుగు వికెట్లు తీసుకున్నాడు. ప్రిన్స్ యాదవ్, ఆవేశ్ ఖాన్, రవి బిష్ణోయ్, ప్రిన్స్ యాదవ్, దిగ్వేశ్ సింగ్ ఒక్కో వికెట్ తీశారు. దీంతో హైదరాబాద్ నిర్ణీత 20 ఓవర్లలో 9 వికెట్లు కోల్పోయి 190 పరుగులు చేసింది. లఖ్‌నవూ బ్యాటర్ల ముందు 191 పరుగుల విజయ లక్ష్యాన్ని ఉంచింది. బ్యాటింగ్‌కు దిగిన లఖ్‌నవూ పూరన్, మిచెల్ మార్ష్ (30 బంతుల్లో 52) రాణించడంతో లఖ్‌నవూ గెలుపునకు చేరువైంది. పంత్ (15), బదోనీ (6) ఔటైనా అప్పటికే విజయం ఖరారు కావడంతో లఖ్‌నవూను మిల్లర్ (13 నాటౌట్), సమద్ (22 నాటౌట్) విజయతీరాలకు చేర్చారు. హైదరాబాద్ కెప్టెన్ ప్యాట్ కమిన్స్ 2 వికెట్లు దక్కించుకున్నాడు.
ఇవి కూడా చదవండి..
Kavya Maran: అయ్యో.. వావ్.. మ్యాచ్ సమయంలో కావ్య మారన్ ఎక్స్‌ప్రెషన్స్ చూస్తే..
మరిన్ని క్రీడా వార్తలు కోసం క్లిక్ చేయండి..
