IPL 2025, SRH vs LSG: ట్రావిస్ హెడ్ క్లీన్ బౌల్డ్.. హైదరాబాద్ టాపార్డర్‌కు చెక్

హైదరాబాద్‌లోని ఉప్పల్ స్టేడియం వేదికగా జరుగుతున్న ఐపీఎల్ మ్యాచ్‌లో రెండు బలమైన జట్లు తలపడుతున్నాయి. తొలి మ్యాచ్‌లో ఘన విజయం సాధించిన సన్‌రైజర్స్ హైదరాబాద్‌తో లఖ్‌నవూ సూపర్ జెయింట్స్ తలపడుతోంది. తాజా మ్యాచ్‌లో టాస్ గెలిచిన లఖ్‌నవూ సూపర్ జెయింట్స్ జట్టు టాస్ గెలిచి బౌలింగ్ ఎంచుకుంది. దీంతో సన్‌రైజర్స్ మొదటి బ్యాటింగ్ చేసింది. అయితే ఎప్పటిలా సన్‌రైజర్స్ హైదరాబాద్ బ్యాటింగ్ రాకెట్ వేగంతో సాగలేదు.

లఖ్‌నవూ బౌలర్లు సత్తా చాటుతుండడంతో హైదరాబాద్ టాపార్డర్ బ్యాటర్ల తడబడ్డారు. మొదటి నుంచి ఇబ్బంది పడ్డ అభిషేక్ శర్మ (6)ను శార్దూల్ ఠాకూర్ అవుట్ చేశాడు. ఆ తర్వాత బంతికే ఇషాన్ కిషన్ (0)ను కూడా పెవిలియన్‌కు చేర్చాడు. అయితే ఒకవైపు వికెట్లు పడుతున్నా ట్రావిస్ హెడ్ (28 బంతుల్లో 3 సిక్స్‌లు, 5 ఫోర్లతో 47) పరగులు చేశాడు. బౌండరీలతో హోరెత్తించాడు. అయితే ప్రమాదకరంగా మారుతున్న ట్రావిస్ హెడ్‌ను ప్రిన్స్ యాదవ్ బౌల్డ్ చేశాడు. దీంతో హైదరాబాద్ ప్రస్తుతం 10 ఓవర్లకు 3 వికెట్లు కోల్పోయి 96 పరుగులు చేసింది.

క్రీజులో నితీష్ కుమార్ రెడ్డి (15 బంతుల్లో 23), హెన్రిచ్ క్లాసెన్ (11 బంతుల్లో 14) క్రీజులో ఉన్నారు. లఖ్‌నవూ బౌలర్లలో శార్దూల్ రెండు వికెట్లు, ప్రిన్స్ యాదవ్ ఒక వికెట్ తీశారు. క్లాసెన్, నితీష్ పైనే హైదరాబాద్ భారం ఉంది. ఇంకా, అనికేత్ వర్మ, అభినవ్ మనోహర్ వంటి బ్యాటర్లు హైదరాబాద్ లైనప్‌లో ఉన్నారు.

ఇవి కూడా చదవండి..

Kavya Maran: అయ్యో.. వావ్.. మ్యాచ్ సమయంలో కావ్య మారన్ ఎక్స్‌ప్రెషన్స్ చూస్తే..

Riyan Parag: ఆ కుర్రాడికి రూ.10 వేలు ఇచ్చాడా.. రియాన్ పరాగ్ కాళ్లు మొక్కడంపై నెటిజన్లు కామెంట్లు ఏంటంటే

మరిన్ని క్రీడా వార్తలు కోసం క్లిక్ చేయండి..