MLA: మీ ఉపాధికి ఇబ్బంది రాకుండా చూస్తా..

- నోటరీ, టైపిస్ట్‌, స్టాంప్‌ వెండర్లకు ఎమ్మెల్యే తలసాని హామీ

హైదరాబాద్: మీ ఉపాధికి ఎలాంటి ఇబ్బందులు రాకుండా తాను అండగా ఉంటానని నోటరీ, స్టాంప్‌ వెండర్లకు సనత్‌నగర్‌ ఎమ్మెల్యే తలసాని శ్రీనివాస్‌ యాదవ్‌(Sanathnagar MLA Talasani Srinivas Yadav) హామీ ఇచ్చారు. సికింద్రాబాద్‌ కోర్టు పరిసరాల్లో నోటరీ, టైపిస్ట్‌, స్టాంప్‌ వెండర్లుగా జీవనం సాగిస్తున్న వారు శుక్రవారం వెస్ట్‌ మారేడుపల్లిలో కార్యాలయంలో ఎమ్మెల్యేను కలిశారు. ఎన్నో సంవత్సరాలుగా కోర్టు పరిసరాల్లోని ఫుట్‌పాత్‌లపై తాము ఇదే వృత్తి చేసుకుంటూ జీవనం సాగిస్తున్నామని తెలిపారు.

అయితే, మూడు రోజుల్లో ఫుట్‌పాత్‌లను ఖాళీ చేయాలని ట్రాఫిక్‌ పోలీసు అధికారులు తమకు నోటీసులు ఇచ్చారని తెలిపారు. ఇప్పటికిప్పుడు ఖాళీ చేస్తే తాము ఉపాధి కోల్పోయి తమ కుటుంబాలు వీధిన పడతాయని ఆవేదన వ్యక్తం చేశారు. స్పందించిన ఎమ్మెల్యే తలసాని ’మీ ఉపాధికి ఇబ్బంది కలగకుండా చూస్తా, మీకు అండగా ఉంటా‘ అని వారికి భరోసా ఇచ్చారు.

ఈవార్తను కూడా చదవండి: నాకు, రాహుల్‌కు మధ్య అగాధం వట్టిమాట

ఈవార్తను కూడా చదవండి: ముదిరిన పటాన్‌చెరు‌ కాంగ్రెస్ లొల్లి.. పీసీసీ కమిటీ ఏం చెప్పిందంటే..

ఈవార్తను కూడా చదవండి: కేసీఆర్ నోట మహేష్ బాబు డైలాగ్.. రేవంత్ ప్రభుత్వానికి కేసీఆర్ స్ట్రాంగ్ వార్నింగ్

ఈవార్తను కూడా చదవండి: సీఎం రేవంత్ రెడ్డికి మాజీ మంత్రి హరీష్ రావు సవాల్

Read Latest Telangana News and National News