Samantha: ఆ కటౌట్స్ ఏంటి.. మరో లేడీ సూపర్ స్టార్!

ప్రస్తుతం లేడీ సూపర్ స్టార్‌ (Lady Super Star) అనగానే గుర్తొచ్చే పేరు అనుష్కశెట్టి (Anushka Shetty), నయనతార (Nayanthara). ఇప్పుడు వారి సరసన సమంత కూడా లేడీ సూపర్ స్టార్‌గా రాబోతోంది. సమంత (Samantha) ప్రధాన పాత్రలో నటించిన చిత్రం ‘యశోద’ (Yashoda). ఈ శుక్రవారం ప్రపంచవ్యాప్తంగా ఈ సినిమా పాన్ ఇండియా స్థాయిలో విడుదల కాబోతోంది. ఈ సినిమా కథ అంతా సమంత చుట్టూనే తిరుగుతుందనేది రీసెంట్‌గా వచ్చిన ట్రైలర్ చెప్పేస్తుంది. ఈ సినిమా బడ్జెట్ కూడా ఒక స్టార్ యాక్టర్‌కి ఎంత పెడతారో అంత పెట్టారని తెలిసింది. ఈ సినిమాకి అయిన బడ్జెట్ ఎంతో తెలిస్తే అంతా ఆశ్చర్యపోతారు. సుమారు రూ. 40 కోట్లు పైన ఈ సినిమాకు బడ్జెట్ పెట్టినట్లుగా నిర్మాత శివలెంక కృష్ణప్రసాద్ (Sivalenka Krishna Prasad) తన ఇంటర్వ్యూలో చెప్పుకొచ్చారు. ముందు రూ. 3 కోట్లతో అనుకున్న ఈ చిత్రానికి.. సమంత స్క్రిప్ట్ విని ఓకే చెప్పిన వెంటనే పాన్ ఇండియా క్రేజ్ వచ్చేసిందని.. ఆ తర్వాత భారీగా ఈ చిత్రాన్ని నిర్మించేందుకు ప్రయత్నాలు జరిగాయని ఆయన తెలిపారు. సమంతకి ఉన్న క్రేజ్ కారణంగానే ఈ సినిమా పాన్ ఇండియా సినిమాగా విడుదల చేస్తున్నట్లుగా నిర్మాత తన ఇంటర్వ్యూలో వెల్లడించారు.

అయితే.. వినిపిస్తున్న సమాచారం ప్రకారం ఈ సినిమా విడుదలకి ముందే నిర్మాత శివలెంక కృష్ణప్రసాద్‌కి లాభాలు వచ్చాయని కూడా అంటున్నారు. శాటిలైట్, ఓ.టి.టి. హక్కుల ద్వారా ఈ సినిమాకి మంచి లాభాలు వచ్చాయని తెలిసింది. ఇప్పుడు థియేట్రికల్ విడుదల పరంగా వచ్చే డబ్బు అంతా బోనస్ అని అంటున్నారు. దీనిని బట్టి చూస్తే సమంత లేడీ సూపర్ స్టార్ (Lady Super Star) అయినట్లే కదా! 40 కోట్లు ఆమె మీద పెట్టడమే కాకుండా, విడుదలకి ముందే ఆ డబ్బులు సొంతం చేసుకున్నారు అంటే, కేవలం సమంత వుంది కాబట్టే.. అది సాధ్యమైంది. ఇప్పుడు పెద్ద స్టార్స్ తప్పితే, వేరే ఎవరి మీద అంత డబ్బు పెట్టడం లేదు, అంత డబ్బు రావటం లేదు కూడా. ఈ సినిమా తెలుగులోనే కాకుండా, హిందీ, తమిళ్, మలయాళం, కన్నడలో విడుదల అవుతోంది. ట్రైలర్‌ విడుదల తర్వాత ఈ సినిమా స్వరూపమే మారిపోయింది. ఈ సినిమా థియేటర్ల దగ్గర స్టార్ హీరోలకి ఎలా పెడతారో.. అలా సమంతకి కూడా పెద్ద పెద్ద కటౌట్స్‌తో పాటు ఫ్యాన్స్ హంగామా చూస్తుంటే.. సమంత ముందు ముందు తిరుగులేని లేడీ సూపర్ స్టార్ కాబోతోందనేది ఫిక్స్ అయిపోవచ్చు. కాగా.. హరి, హరీష్ (Hari - Harish) దర్శకత్వంలో శ్రీదేవి మూవీస్ (Sridevi Movies) పతాకంపై తెరకెక్కిన ఈ చిత్రంలో వరలక్ష్మీ శరత్ కుమార్, ఉన్ని ముకుందన్, రావు రమేష్, మురళీ శర్మ, సంపత్ రాజ్ వంటి కీలకపాత్రలలో నటించారు.