కారుణ్య నియామకాలకు సర్టిఫికెట్ల పరిశీలన
ABN , First Publish Date - 2022-11-24T23:18:01+05:30 IST
జిల్లా పరిషత్‌ పరిధి స్థానిక సంస్థల్లో కారుణ్య నియామకా లకు గురువారం అభ్యర్థుల సర్టిఫికెట్ల పరిశీలన నిర్వహించారు.
ఆఫీసు సబార్డినేట్‌ పోస్టుల్లో చేరేందుకు అభ్యర్థుల విముఖత
వికారాబాద్‌, నవంబరు 24(ఆంధ్రజ్యోతి ప్రతినిధి): జిల్లా పరిషత్‌ పరిధి స్థానిక సంస్థల్లో కారుణ్య నియామకా లకు గురువారం అభ్యర్థుల సర్టిఫికెట్ల పరిశీలన నిర్వహించారు. జెడ్పీలో నిర్వహించిన ఈ కార్యక్రమానికి కారుణ్య నియామకాలకు ఎదురు చూస్తున్న 13మంది అభ్యర్థులు హాజరయ్యారు. ప్రస్తుతం ఖాళీగా ఉన్న ఆఫీసు సబార్డినేట్‌ ఉద్యోగాల్లో చేరేందుకు వారు ఆసక్తి చూపలేదు. డిగ్రీ, పీజీ విద్యార్హతలు కలిగిన అభ్యర్థులు జూనియర్‌ అసిస్టెంట్‌ పోస్టుల్లో చేరతామని తెలిపారు. ఇంటర్‌ చదివిన వారు కూడా తాము డిగ్రీ పూర్తిచేసి జూనియర్‌ అసిస్టెంట్‌ ఉద్యోగాల్లోనే చేరతామని తెలిపారు. అభ్యర్థుల అభిప్రాయాన్ని అధికారులు రాతపూర్వకంగా తీసుకున్నారు. ఈ కార్యక్రమంలో జడ్పీ సీఈవో జానకీరెడ్డి, డిప్యూటీ సీఈవో సుభాషిణి తదితరులు పాల్గొన్నారు.
