Durgamma Temple: ఇంద్రకీలాద్రిపై మరోసారి నిఘా వైఫల్యం
ABN , First Publish Date - 2023-10-27T12:01:47+05:30 IST
ప్రసిద్ధి పుణ్యక్షేత్రం ఇంద్రకీలాద్రిపై వెలసిన కనకదుర్గమ్మ ఆలయంలో మరోసారి నిఘా వైఫల్యం బయటపడింది.
విజయవాడ: ప్రసిద్ధి పుణ్యక్షేత్రం ఇంద్రకీలాద్రిపై వెలసిన కనకదుర్గమ్మ ఆలయంలో (Vijayawada Kanakadurgamma Temple) మరోసారి నిఘా వైఫల్యం బయటపడింది. దసరా నవరాత్రి ఉత్సవాలు సందర్భంగా దర్శనానికి వచ్చిన ఓ భక్తుడు.. అమ్మవారి గర్భగుడి వీడియో తీసి యూట్యూబ్లో పోస్ట్ చేశాడు. అయితే అమ్మవారి గర్భగుడి వీడియో తీయడం నిషేధం. అయినప్పటికీ సదరు భక్తుడు అమ్మవారి గర్భగుడిని వీడియో తీయడాన్ని భద్రతా సిబ్బంది ఎవరూ గుర్తించలేదు. దీనిబట్టి ఇంద్రకీలాద్రిపై భద్రతా ఎలా ఉందో అర్థం చేసుకోవచ్చు. ఈ వ్యవహారంపై పోలీసులు చర్యలు తీసుకోవాలని భక్తులు కోరుతున్నారు.
