CMO: నెల్లూరు రూరల్ ఎమ్మెల్యే కోటంరెడ్డికి సీఎం ఆఫీస్ నుంచి పిలుపు

అమరావతి: నెల్లూరు రూరల్ వైసీపీ (YCP) ఎమ్మెల్యే కోటంరెడ్డి శ్రీధర్‌రెడ్డికి సీఎం ఆఫీస్ (CMO) నుంచి పిలుపు వచ్చింది. సాయంత్రం సీఎం జగన్‌ (CM JAGAN)తో కోటంరెడ్డి శ్రీధర్‌రెడ్డి సమావేశం కానున్నారు. ఇటీవల ప్రభుత్వ, అధికారుల తీరుపై కోటంరెడ్డి శ్రీధర్‌రెడ్డి అసహనం వ్యక్తం చేశారు. జిల్లా సమీక్ష సమావేశంలో సీఎం మాటకే విలువలేదని కోటంరెడ్డి వ్యాఖ్యనించారు. సీఎం ఆదేశించినా దర్గా అభివృద్ధికి నిధులు ఇవ్వలేదంటూ ఐఏఎస్ అధికారి రావత్‌పై ఎమ్మెల్యే కోటంరెడ్డి శ్రీధర్‌రెడ్డి (MLA Kotamreddy Sridhar Reddy) ఆగ్రహం వ్యక్తం చేశారు.

ఇటీవల ఆంధ్రప్రదేశ్ రాష్ట్రంలో పెన్షన్ల (Pensions) తొలగింపు ఒక సంచలనంగా మారింది. పెన్షన్లను తీసివేయయడంపై వైసీపీ నేతలే ఆగ్రహం వ్యక్తం చేస్తున్నారు. పెన్షన్లు తొలగించడం సరికాదని నెల్లూరు రూరల్ వైసీపీ ఎమ్మెల్యే కోటంరెడ్డి శ్రీధర్‌రెడ్డి (YCP MLA Kotamreddy Sridhar Reddy) అన్నారు. తమ నియోజకవర్గంలో 2,370 మందికి పెన్షన్లు తొలగిస్తున్నట్లు అధికారులు నోటీసులు ఇచ్చారని ఎమ్మెల్యే కోటంరెడ్డి శ్రీధర్‌రెడ్డి మండిపడ్డారు. పెన్షన్లు వీలైతే ఇంకొందరికీ ఇవ్వాలని,.. పెన్షన్లు ఉన్నవారిని తొలగించొద్దని ఎమ్మెల్యే కోటంరెడ్డి శ్రీధర్‌రెడ్డి సూచించారు.