Tripura: త్రిపుర సీఎంగా మాణిక్ సహా ప్రమాణస్వీకారం
ABN , First Publish Date - 2023-03-08T12:04:39+05:30 IST
త్రిపుర రాష్ట్ర ముఖ్యమంత్రిగా బీజేపీకి చెందిన మాణిక్ సహా రెండోసారి బుధవారం ప్రమాణస్వీకారం చేశారు...
అగర్తలా (త్రిపుర): త్రిపుర రాష్ట్ర ముఖ్యమంత్రిగా బీజేపీకి చెందిన మాణిక్ సహా రెండోసారి బుధవారం ప్రమాణస్వీకారం చేశారు.(Tripura) ప్రొఫెసర్ మాణిక్ సహాతో త్రిపుర గవర్నర్ ఎస్ ఎన్ ఆచార్య ప్రమాణం చేయించారు.(Manik Saha sworn in as Tripura CM) ఈ ప్రమాణ స్వీకారోత్సవంలో ప్రధానమంత్రి నరేంద్రమోదీ, కేంద్ర హోంశాఖ మంత్రి అమిత్ షా, బీజేపీ అధినేత జేపీ నడ్డా, కేంద్ర బీజేపీ నేతలు పాల్గొన్నారు.
ఐకానిక్ వివేకానంద స్టేడియంలో జరిగిన ప్రమాణస్వీకారోత్సవంలో సీఎంతో పాటు రతన్ లాల్ నాథ్, ప్రరంజిత్ సింఘారాయ్, శాంతన చక్మా, సుశాంత్ చౌదరి, టింకూరాయ్, బికాష్ దేబ్బరమ, సుధాంగషు దాస్, శుక్లాచరణ్ నాటియాలు కూడా మంత్రులుగా ప్రమాణం చేశారు. త్రిపుర అసెంబ్లీ ఎన్నికల ఫలితాలు గురువారం వెలువడ్డాయి. త్రిపురలో ఇటీవల జరిగిన అసెంబ్లీ ఎన్నికల్లో 60 మంది సభ్యుల సభలో బీజేపీ 32 సీట్లు గెలుచుకోగా, దాని మిత్రపక్షమైన ఇండిజినస్ పీపుల్స్ ఫ్రంట్ ఆఫ్ త్రిపుర ఒక స్థానాన్ని దక్కించుకుంది.
