గొంతు గరగరమంటోందా?

కొన్ని సార్లు గొంతు గరగరమంటూ ఉంటుంది. సమస్య చిన్నదే కాబట్టి డాక్టర్‌ దగ్గరకు వెళ్లలేం. అలాంటి పరిస్థితుల్లో ఈ కింది చిట్కా బాగా పనిచేస్తుంది.

ఏం కావాలి:

ఒక పెద్ద ఎర్ర ఉల్లిపాయ, ఐదు స్పూన్ల తేనె

ఎలా చేయాలి: ఉల్లిపాయలను పొరలు పొరలుగా తరగాలి. ముందుగా ఒక గ్లాస్‌ జార్‌లో కొద్దిగా తేనెను వేయాలి. దానిపై తరిగిన ఉల్లిపాయ ముక్కలు ఉంచాలి. ఆపై మరికొంత తేనె వేయాలి. ఇలా పొరలు పొరలుగా అమర్చుకోవాలి. దీనిని 12 గంటల పాటు వదిలేయాలి. ఈ సమయంలో ఉల్లిపాయలలోని నీరు తేనెతో కలిపి ఒక ద్రావకం తయారవుతుంది. దీనిని రోజుకు మూడు సార్లు ఒక చెంచా చొప్పున తీసుకోవాలి. ఈ ద్రావకం రెండు రోజుల దాకా బయట ఉంచవచ్చు.