WPL: గుజరాత్ జెయింట్స్‌పై ముంబై ఇండియన్స్ ఘన విజయం

ముంబై: మహిళల ప్రీమియర్‌ లీగ్‌ (Women Premier League) తొలి మ్యాచ్‌‌లో గుజరాత్ జెయింట్స్ మహిళా క్రికెట్ జట్టుపై 143 పరుగుల తేడాతో ముంబై ఇండియన్స్ ఘన విజయం సాధించింది. 20 ఓవర్లలో 5 వికెట్లు కోల్పోయి ముంబై ఇండియన్స్ మహిళా క్రికెట్ జట్టు 207 పరుగులు చేసింది. అయితే ముంబై ఇండియన్స్ నిర్దేశించిన 208 పరుగుల భారీ లక్ష్యాన్ని గుజరాత్ జెయింట్స్ జట్టు ఛేదించలేకపోయింది. 15.1 ఓవర్లలో గుజరాత్ జెయింట్స్ జట్టు 64 పరుగులు మాత్రమే చేసి ఆలౌట్ అయింది.

తొలి ఇన్నింగ్స్‌లో ప్రత్యర్థి అయిన గుజరాత్ జెయింట్స్ (Gujarat Giants) జట్టుకు ముంబై ఇండియన్స్ బ్యాట్స్‌ఉమెన్స్ మైదానంలో చుక్కలు చూపించారు. బౌలర్లకు బంతి అందకుండా పరుగుల వరదపారించారు.

గుజరాత్ జెయింట్స్ మహిళా క్రికెట్ జట్టు కెప్టెన్ బెన్ మూనీ టాస్ (Gujarat Giants) గెలిచి ఫీల్డింగ్ ఎంచుకుచుకోవడంతో ముంబై ఇండియన్స్ మహిళా క్రికెట్ జట్టు (Mumbai Indians Women) బ్యాటింగ్‌కు దిగి ఆరంభంలోనే పరుగుల వరద పారించింది. హేలీ మాథ్యూస్ 31 బంతుల్లో 47 పరుగులు, నాట్ స్కివర్-బ్రంట్ 18 బంతుల్లో 23 పరుగులు చేసింది. ముంబై ఇండియన్స్ మహిళా క్రికెట్ జట్టు కెప్టెన్ హర్మన్‌ప్రీత్ కౌర్ 27 బంతుల్లో 61 పరుగులు చేసింది. అమేలియా కెర్ 15 బంతుల్లో 26 పరుగులు చేసింది.

మహిళల ప్రీమియర్‌ లీగ్‌ (Women Premier League)లో భాగంగా తొలి మ్యాచ్‌ ముంబైలోని డీవై పాటిల్ స్టేడియంలో గుజరాత్‌ జెయింట్స్‌-ముంబై ఇండియన్స్‌ జట్ల మధ్య జరిగింది.