Sravan Kumar: కుట్రలు, కుతంత్రాలు చేసే రాజకీయాలు మారాలి

విజయవాడ: కుట్రలు, కుతంత్రాలు చేసే రాజకీయాలు మారాలని జై భీమ్ రావు భారత్ పార్టీ అధ్యక్షులు జడ శ్రావణ్ కుమార్(Sravan Kumar) అన్నారు. సోమవారం నాడు ఆయన మీడియాతో మాట్లాడుతూ... జగన్ ప్రభుత్వంలో దగాపడ్డ యువకుడు జనపల్లి శ్రీనివాసరావు అని చెప్పారు. డబ్బు, అధికార మదంతో వైసీపీ నేతలు విర్రవీగుతున్నారని మండిపడ్డారు. దళిత, రాజ్యాంగ రక్షణ కోసం దళిత సోదరుడు జనపల్లి శ్రీనివాసరావు తపన పడుతున్నారని చెప్పారు. రాజకీయాల్లో జనపల్లి శ్రీనివాసరావు రాణించాలని మనస్పూర్తిగా కోరుకుంటున్నానని తెలిపారు. పులివెందుల నుంచి ముఖ్యమంత్రి జగన్‌పై జై భీమ్ రావు భారత్ పార్టీ నుంచి దస్తగిరి పోటీ చేస్తున్నారని ప్రకటించారు. యువతను జై భీమ్ రావు భారత్ పార్టీ స్వాగతిస్తోందని తెలిపారు.ఈ రోజుల్లో రాజకీయం డబ్బుతో ముడిపడివుందని అన్నారు. జై భీమ్ రావు భారత్ పార్టీ సామాన్యులకు రాజకీయ అవకాశం కల్పిస్తోందని జడ శ్రావణ్ కుమార్ చెప్పారు.

మరిన్ని ఏపీ వార్తల కోసం ఇక్కడ క్లిక్ చేయండి