నొయిడా: ఉత్తరప్రదేశ్‌లోని నొయిడా (Noida) సెక్టర్-32 లాజిక్స్ మాల్ (Logix Mall)లో బుధవారం మధ్యాహ్నం 11 గంటల ప్రాంతంలో భారీ అగ్నిప్రమాదం (Fire accident) జరిగింది. 12 అగ్నిమాపక శకటాలు హుటాహుటిన ఘటనా స్థలికి చేరుకుని మంటలను అదుపుచేయడంతో ప్రాణనష్టం తప్పింది. లాజిక్స్ సిటీ సెంటర్‌‌లోని మొదటి అంతస్తులో ఉన్న షోరూమ్‌లో ప్రమాదం జరగడంతో అగ్నిమాపక సిబ్బంది మాల్‌లో ఏర్పాటు చేసిన గ్లాస్ డోర్స్‌ను బద్దలుకొట్టి పొగబయటకు పోయేలా చేయడంతో పరిస్థితి అదుపులోకి వచ్చింది.

Rahul Gandhi: తొక్కిసలాట మృతుల కుటుంబాలను పరామర్శించేందుకు హత్రాస్‌కు రాహుల్ గాంధీ

ఆదిదాస్ స్టోర్ రూమ్‌లో మంటలు చెలరేగడంతో తమ సిబ్బంది అక్కడి షట్టర్లను కత్తిరించి లోపలకు ప్రవేశించారమని, అప్పటికే దట్టమైన పొగలు కమ్ముకోవడంతో వాటిని అదుపు చేశామని చీఫ్ ఫైర్ ఆఫీసర్ ప్రదీప్ కుమార్ చౌబే తెలిపారు. ఆ ప్రాంతమంతా తనిఖీ చేశామని, ఒక్కరు కూడా అక్కడ చిక్కుకోలేదని చెప్పారు. కాగా, లాజిక్స్ మాల్‌లో పొగలు చాలా చోట్లకు విస్తరించడంతో సకాలంలో మాల్‌లోని వారంతా బయటకు పరుగులు తీశారు. దీంతో ప్రాణనష్టం తప్పింది.

Read Latest Telangana News and National News