Viral: బంగారమో.. డబ్బులో.. డ్రగ్సో కాదు.. సూట్‌కేస్‌లో ఇతడు మోసుకొచ్చింది చూసి అధికారులు షాక్..

విదేశాల నుంచి బంగారం, నగదు, డ్రగ్స్ తదితరాలను అక్రమంగా తరలించడం చూస్తుంటాం. కొందరైతే ఏంకగా తమ శరీర భాగాల్లో బంగారు బిస్కట్లు, డ్రగ్స్ ప్యాకెట్లను తీసుకెళ్తూ విమానాశ్రయ అధికారులకు పట్టుబడడం చూస్తుంటాం. ఇలాంటి షాకింగ్ ఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. తాజాగా, ఓ వ్యక్తి సూట్‌కేస్‌లో మోసుకొచ్చిన వాటిని చూసి అధికారులు ఖంగుతిన్నారు. ఇందుకు సంబంధించిన ఫొటోలు నెట్టింట తెగ చక్కర్లు కొడుతున్నాయి. ఇంతకీ అసలు ఏం జరిగిందంటే..

సోషల్ మీడియాలో విమానాశ్రయంలో చోటు చేసుకున్న ఘటనకు సంబంధించిన ఫొటోలు (Viral photos) తెగ వైరల్ అవుతున్నాయి. బెంగళూరులోని కెంపేగౌడ అంతర్జాతీయ విమానాశ్రయంలో (Bangalore Airport) సోమవారం ఈ ఘటన చోటు చేసుకుంది. బ్యాంకాక్ (Bangkok) నుంచి ప్రయాణికులను అధికారులు చెక్ చేస్తూ ఉన్నారు. ఇంతలో వారిలో ఓ వ్యక్తి సూట్ కేసులను చూడగానే వారికి అనుమానం కలిగింది. దీంతో సూట్ కేసును తెరచిచూడగా.. అందులో మొత్తం 10 అనకొండలు (anacondas) కనిపించాయి. పసుపు రంగులో ఉన్న అనకొండలను ప్యాక్ చేసి, సూట్‌కేస్‌లో కుక్కేయడం చూసి అధికారులంతా షాక్ అయ్యారు.

Viral Video: లవ్ సింబల్ వెలుగులో ప్రేమికుల రొమాన్స్.. మధ్యలో ఎంటరై.. ఇతను చేసిన పని..

దీంతో సదరు ప్రయాణికుడిని అదుపులోకి తీసుకున్న పోలీసులు విచారణ చేస్తున్నారు. వన్యప్రాణులను అక్రమంగా తరలించడం చట్టరీత్యా నేరమని, ఇలాంటి వారిపై కఠిన చర్యలు తప్పవని అధికారులు తెలిపారు. ప్రస్తుతం సదరు ప్రయాణికుడిని పోలీసులు విచారణ చేస్తున్నారు. కాగా, ఈ ఘటనకు సంబంధించిన ఫొటోలు సోషల్ మీడియాలో తెగ వైరల్ అవుతున్నాయి. దీనిపై నెటిజన్లు వివిధ రకాలుగా స్పందిస్తున్నారు. ‘‘వామ్మో..! ఇలాంటి సీన్ ఎప్పుడూ చూడలేదు’’.. అంటూ కొందరు, ‘‘అనకొండలను తరలించడం ఏంట్రా నాయనా’’.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ పోస్టు ప్రస్తుతం 23వేలకు పైగా వ్యూస్‌ను సొంతం చేసుకుంది.

Viral Video: వేదిక పైనే మరదలితో కలిసి డాన్స్ చేసిన వరుడు.. ఓపిగ్గా చూసిన వధువు.. చివరకు..