Bhatti: తొలి విడత 40 నియోజకవర్గాల్లో ఇంటిగ్రేటెడ్‌ స్కూళ్ల నిర్మాణం

• ఒక్కోటి పాతిక ఎకరాల్లో.. స్థలాలను గుర్తించిన ప్రభుత్వం

• 5 వేల కోట్ల వ్యయం.. నేడు వెల్లడించనున్న రేవంత్‌, భట్టి

హైదరాబాద్‌, అక్టోబరు 5 (ఆంధ్రజ్యోతి): రాష్ట్రంలో ఎంపిక చేసిన 40 నియోజకవర్గాల్లో తొలి విడతగా ఇంటిగ్రేటెడ్‌ రెసిడెన్షియల్‌ స్కూళ్ల నిర్మాణాన్ని ప్రభుత్వం చేపట్టనుంది. ఇప్పటికే ఆయా నియోజకవర్గాల్లో వాటి నిర్మాణానికి స్థలాల గుర్తింపు పూర్తిచేసింది. రూ.5వేల కోట్లతో చేపట్టే ఈ స్కూళ్ల నిర్మాణానికి సంబంధించిన వివరాలను సీఎం రేవంత్‌, డిప్యూటీ సీఎం భట్టి ఆదివారం ప్రకటించనున్నారు.

ఏయే నియోజకవర్గాల్లో తొలి విడతగా ఈ స్కూళ్లను నిర్మిస్తారు, ఎంత విస్తీర్ణంలో నిర్మిస్తారు.. ఏర్పాటు ఉద్దేశం తదితర వివరాలను వారు వెల్లడించనున్నారు. ఒక్కో స్కూలును పాతిక ఎకరాల విస్తీర్ణంలో నిర్మించనున్నట్లు, ఆయా స్కూళ్లకు అంగన్‌వాడీ, ఇతర స్కూళ్లనూ అనుసంధానం చేయనున్నట్లు గతంలోనే ప్రభుత్వం వెల్లడించిన సంగతి తెలిసిందే.