SC Rejects Honey Trap Petition: హనీట్రాప్‌ పిల్‌ కొట్టివేసిన సుప్రీంకోర్టు
ABN , Publish Date - Mar 27 , 2025 | 04:23 AM
కర్ణాటక రాజకీయాల్లో కలకలం రేపుతున్న హనీట్రాప్‌ వివాదంపై దాఖలైన ప్రజా ప్రయోజనాల వ్యాజ్యాన్ని సుప్రీంకోర్టు ధర్మాసనం కొట్టివేసింది.
బెంగళూరు, మార్చి 26(ఆంధ్రజ్యోతి): కర్ణాటక రాజకీయాల్లో కలకలం రేపుతున్న హనీట్రాప్‌ వివాదంపై దాఖలైన ప్రజా ప్రయోజనాల వ్యాజ్యాన్ని సుప్రీంకోర్టు ధర్మాసనం కొట్టివేసింది. ఇటీవల శాసనసభ సమావేశాల్లో మంత్రి రాజణ్ణ హనీట్రాప్‌ గురించి ప్రస్తావించారు. తనతోపాటు ఎమ్మెల్యేలు, నాయకులు, న్యాయమూర్తులతో కలిపి 48 మందిని టార్గెట్‌ చేసుకుని హనీట్రాప్‌ జరిగిందని ఆరోపించారు. ఈ అంశంపై సమగ్ర దర్యాప్తు జరిపించాలని జార్ఖండ్‌కు చెందిన వినయ్‌కుమార్‌ సింగ్‌ అనే సామాజిక కార్యకర్త దాఖలు చేసిన పిల్‌ను సుప్రీం కోర్టు బుధవారం విచారణకు స్వీకరించింది. చీఫ్‌ జస్టిస్‌ సంజీవ్‌ ఖన్నా నేతృత్వంలోని ధర్మాసనం దీనిపై విచారణ జరిపింది. ‘జార్ఖండ్‌కు చెందిన మీకు కర్ణాటక అంశంతో సంబంధం ఏమిటి?’ అని ధర్మాసనం సూటిగా ప్రశ్నించింది. అక్కడి న్యాయమూర్తి ఎందుకు హనీట్రా్‌పకు గురయ్యారు...అలా జరిగితే వారే చూసుకుంటారని స్పష్టం చేసింది. సంబంధం లేని అంశంపై పిల్‌ దాఖలు చేసినందుకు పిటిషనర్‌ను మందలించింది.
ఇవి కూడా చదవండి:
Hotel Booking: ఒయో రూమ్స్ కోసం ఆధార్ ఉపయోగిస్తున్నారా.. అయితే ఇలా చేయండి
Single Recharge: ఒకే రీఛార్జ్‌తో ముగ్గురికి ఉపయోగం..సరికొత్త ప్లాన్ ప్రవేశపెట్టిన బీఎస్‌ఎన్‌ఎల్
NASSCOM: వచ్చే రెండేళ్లలో లక్ష మంది విద్యార్థులకు ఉచితంగా ఏఐ శిక్షణ
Read More Business News and Latest Telugu New
