Health Risks: టీ ఎక్కువుగా తాగుతున్నారా మీకు తెలియకుండానే ఈ సమస్యలు మిమల్ని చుట్టుముట్టవచ్చు

ABN Internet: టీ (Tea) భారతీయుల (Indians) రోజువారీ జీవితంలో భాగం. దీన్ని ఎన్నిసార్లు తాగాలి, ఎక్కువైతే ఏ సమస్యలు వస్తాయో ఈ కథనంలో వాస్తవికంగా వివరిస్తున్నాం. రోజుకు ఎన్నిసార్లు తాగాలి.. రోజుకు 2-3 కప్పుల టీ (200-300 మి.లీ.) తాగడం సురక్షితం. ఇందులోని కెఫీన్ (Caffeine) (20-40 మి.గ్రా. ఒక కప్పులో) శక్తిని, యాంటీ ఆక్సిడెంట్స్ (Antioxidants) ఆరోగ్యాన్ని (Health) మెరుగుపరుస్తాయి. ఇండియన్ కౌన్సిల్ ఆఫ్ మెడికల్ రీసెర్చ్ (ICMR) ఈ మోతాదును సిఫార్సు చేస్తోంది.

ఎక్కువగా తాగితే సమస్యలు:

ఉదయాన్నే టీ తాగడమంటే చాలా మందికి ఇష్టం. టీ తాగితే ఎనర్జిటిక్‌గా ఉంటారు. బాడీలో అలసట తగ్గుతుందని చాలా మంది ఎక్కువగా టీ తాగుతారు. కప్పుల మీద కప్పులు సీప్ చేస్తూ ఎంజాయ్ చేస్తారు. కానీ ఎక్కువగా టీ తాగితే బాడీలో ఐరన్ లోపం ఏర్పడుతుందని, దీని వల్ల అనేక సమస్యలు వస్తాయి. అవేంటో తెలుసుకుందాం..

నిద్రలేమి: రోజుకు 4-5 కప్పులకు మించి తాగితే కెఫీన్ వల్ల నిద్రకు భంగం కలుగుతుందని నేషనల్ ఇనిస్టిట్యూట్ ఆఫ్ హెల్త్ (NIH) చెబుతోంది, 400 మి.గ్రా. కెఫీన్ దాటితే ఆందోళన పెరుగుతుంది.

జీర్ణ సమస్యలు: ఖాళీ కడుపుతో ఎక్కువ టీ తాగడం గ్యాస్, ఎసిడిటీని తెస్తుంది. జర్నల్ ఆఫ్ గ్యాస్ట్రోఎంటరాలజీ (2022) ప్రకారం, టీలోని టానిన్స్ జీర్ణ వ్యవస్థను ఇబ్బంది పెడతాయి.

రక్తహీనత రిస్క్: టీలో ఉండే టానిన్స్ ఇనుము శోషణను అడ్డుకుంటాయి. రోజుకు 5 కప్పులు దాటితే రక్తహీనత ప్రమాదం పెరుగుతుందని WHO హెచ్చరిస్తోంది.

హృదయ సమస్యలు: అతిగా కెఫీన్ తీసుకుంటే హృదయ స్పందనలో అస్థిరత వస్తుందని.. అమెరికన్ హార్ట్ అసోసియేషన్ దీన్ని ధృవీకరించింది.

సలహా: టీ భోజనం తర్వాత తాగండి, రోజుకు 3 కప్పులు మించకండి. ఎక్కువైతే హెర్బల్ టీలకు మారండి. ఆరోగ్యం కాపాడుకోవడానికి ఇది ఉపయోగపడుతుంది.