Kodali Nani: కొడాలి నాని ఆరోగ్యం తీవ్ర ఆందోళనకరం
ABN , Publish Date - Apr 01 , 2025 | 05:17 AM
వైసీపీ నేత, గుడివాడ మాజీ ఎమ్మెల్యే కొడాలి నాని ఆరోగ్య పరిస్థితి తీవ్రంగా మారింది. గ్యాస్ట్రిక్ సమస్యతో ఆస్పత్రిలో చేరిన ఆయనకు గుండెకు సంబంధించి తీవ్ర సమస్యలు ఉన్నట్లు వైద్యులు తెలిపారు, దీంతో ఆయనను ముంబైకి తరలించారు.
మూడు రక్త నాళాలు బ్లాక్‌ సర్జరీ చేయలేని పరిస్థితి
హైదరాబాద్‌ ఐఏజీ నుంచి ముంబైకి తరలింపు
హైదరాబాద్‌ సిటీ/మచిలీపట్నం, మార్చి 31 (ఆంధ్రజ్యోతి): వైసీపీ నేత, గుడివాడ మాజీ ఎమ్మెల్యే కొడాలి నాని ఆరోగ్య పరిస్థితి తీవ్ర ఆందోళనకరంగా ఉన్నట్లు తెలుస్తోంది. ఆయనను కుటుంబ సభ్యులు సోమవారం హైదరాబాద్‌ నుంచి ఎయిర్‌ అంబులెన్స్‌లో ముంబైకి తరలించారు. కొడాలి నాని గ్యాస్ట్రిక్ (జీర్ణకోశ) సమస్యతో ఐదు రోజుల క్రితం ఏఐజీ ఆస్పత్రిలో చేరారు. గుండెకు రక్తాన్ని సరఫరా చేసే మూడు రక్త నాళాలు చాలా వరకు బ్లాక్‌ అయ్యాయని వైద్యులు నిర్ధారించారు. సర్జరీ చేసేందుకు కొడాలి ఆరోగ్య పరిస్థితి సహకరించదని వైద్యులు అంచనాకు వచ్చినట్లు తెలిసింది. దీంతో... కొడాలి నానిని సోమవారం మెరుగైన చికిత్స కోసం బేగంపేట విమానాశ్రయం నుంచి ఎయిర్‌ అంబులెన్స్‌లో ముంబైకి తరలించారు. సుప్రసిద్ధ కార్డియాక్‌ సర్జన్‌ డాక్టర్‌ రమాకాంత్‌ పాండా చైర్మన్‌గా ఉన్న ఏషియన్‌ హార్ట్‌ ఇన్‌స్టిట్యూట్‌లో నానిని చేర్పించినట్లు తెలిసింది. డాక్టర్‌ పాండాకు జాతీయ, అంతర్జాతీయ స్థాయిలో పేరుంది. 2009లో ప్రధానిగా ఉన్న మన్మోహన్‌ సింగ్‌కు కూడా ఆయనే శస్త్ర చికిత్స చేశారు.
ఈ వార్తలు కూాడా చదవండి
Bandi Sanjay Comments On HCU: ఆ వీడియోలు చూస్తే బాధేస్తోంది
HCU భూములపై తెలంగాణ ప్రభుత్వం కీలక ప్రకటన
Betting Apps: బెట్టింగ్ యాప్స్‌పై దర్యాప్తు వేగవంతం..
Read Latest Telangana News And Telugu News
