TTD Calendars: భక్తులకు అందుబాటులో 2023 టీటీడీ డైరీలు, క్యాలెండర్లు
ABN , First Publish Date - 2022-11-27T20:25:23+05:30 IST
టీటీడీ ముద్రించిన 2023వ సంవత్సర క్యాలెండర్లు (Calendars), డైరీలు అందుబాటులోకి తీసుకువచ్చారు.
తిరుమల: టీటీడీ ముద్రించిన 2023వ సంవత్సర క్యాలెండర్లు (Calendars), డైరీలు అందుబాటులోకి తీసుకువచ్చారు. తిరుమల (Tirumala)లోని శ్రీవారి ఆలయం ముందు, లేపాక్షి వద్ద, అన్నదాన భవనంలోని పుస్తకవిక్రయశాలలతో పాటు తిరుపతిలోని గోవిందరాజస్వామి ఆలయం ముందున్న ధ్యానమందిరం, రైల్వేస్టేషన్‌, శ్రీనివాసం, విష్ణునివాసం, తిరుచానూరులోని పద్మావతీ దేవి ఆలయం వద్ద ఉన్న బుక్‌ షాపుల్లో క్యాలెండర్లను, డైరీలను టీటీడీ (TTD) అందుబాటులోకి తీసుకువచ్చింది. విజయవాడ, విశాఖపట్నం, హైదరాబాద్‌, చెన్నై, బెంగుళూరు, న్యూఢిల్లీ, ముంబైలోని టీటీడీ సమాచార కేంద్రాల్లోనూ వీటిని అందుబాటులో ఉంచారు. ఒంటిమిట్టలోని కోదండరామస్వామి ఆలయం, దేవుని కడపలోని లక్ష్మీ వేంకటేశ్వరస్వామి ఆలయంతో పాటు నెల్లూరు, రాజమండ్రి, కాకినాడ, కర్నూలు, నంద్యాల, హనుమకొండలోని టీటీడీ కళ్యాణమండపాల్లోనూ అందుబాటులో ఉంచారు.
ధరలు ఇలా ఉన్నాయి
12 పేజీల క్యాలెండర్‌ రూ.130
డీలక్స్‌ డైరీ రూ.150
చిన్న డైరీ రూ.120
టేబుల్‌ టాప్‌ క్యాలెండర్‌ రూ.75
శ్రీవారి పెద్ద క్యాలెండర్‌ రూ.20
పద్మావతీ దేవి క్యాలెండర్‌ రూ.20
శ్రీవారు, పద్మావతీ దేవి క్యాలెండర్‌ రూ.15
తెలుగు పంచాంగం క్యాలెండర్‌ రూ.30
ఆన్‌లైన్‌లోనూ బుక్‌ చేసుకోవచ్చు
టీటీడీ క్యాలెండర్లు, డైరీలను భక్తులు ఆన్‌లైన్‌లోనూ బుక్‌ చేసుకోవచ్చు.‘తిరుపతిబాలాజీ.ఏపీ.జీవోవీ.ఇన్‌’ వెబ్‌సైట్‌లో ‘పబ్లికేషన్స్‌’ను క్లిక్‌ చేసి డెబిట్‌, క్రెడిట్‌ కార్డుల ద్వారా ఆర్డరు చేసుకోవచ్చు. టీటీడీ క్యాలెండర్లు, డైరీలు తపాలా శాఖ ద్వారా ఇంటి వద్దకే చేరుతాయి.
