Rammohan Naidu : వచ్చే ఎన్నికల్లో ఓడిపోతామని జగన్‌కి తెలుసు

ఢిల్లీ : టీడీపీ అధినేత చంద్రబాబు అరెస్ట్‌పై టీడీపీ ఎంపీ రామ్మోహన్ నాయుడు మండిపడ్డారు. నేడు ఆయన ఢిల్లీలో మీడియాతో మాట్లాడుతూ.. చంద్రబాబును అక్రమంగా అరెస్ట్ చేశారన్నారు. వచ్చే ఎన్నికల్లో ఓడిపోతామని సీఎం జగన్‌కి తెలుసన్నారు. చంద్రబాబును అరెస్ట్ చేస్తే టీడీపీ నిర్వీర్యం అవుతుందని జగన్ భ్రమపడుతున్నారన్నారు. చంద్రబాబుపై మోపిన తప్పుడు కేసును జాతీయ స్థాయిలో వెలుగెత్తి చాటేందుకే లోకేశ్ ఢిల్లీ వచ్చారని ఎంపీ రామ్మోహన్ నాయుడు పేర్కొన్నారు. లోకేశ్ పార్లమెంటరీ పార్టీ సమావేశాన్ని కూడా నిర్వహిస్తారన్నారు. ఎంపీలకు దిశానిర్దేశం చేస్తారన్నారు. పార్లమెంటు ప్రత్యేక సమావేశాల్లోనూ చంద్రబాబు అరెస్ట్ వ్యవహారాన్ని లేవనెత్తుతామనిఎంపీ రామ్మోహన్ నాయుడు పేర్కొన్నారు.