TTD: శ్రీవారి ఆర్జితసేవా టికెట్ల కోటా విడుదల

తిరుమల: తిరుమల వేంకటేశ్వరస్వామి (Tirumala Venkateswara Swamy) ఆర్జితసేవా టికెట్లకు సంబంధించి మార్చి, ఏప్రిల్‌, మే నెలల కోటాను టీటీడీ (TTD) ఫిబ్రవరి 22వ తేదీన ఆన్‌లైన్‌ (Online) ద్వారా విడుదల చేయనుంది. సాయంత్రం 4 గంటలకు ‘'Tirupathibalaji.AP.JOV.IN’ అనే వెబ్‌సైట్‌, టీటీదేవస్థానమ్స్‌ అనే యాప్‌లో కోటాను విడుదల చేస్తారు. ఇందులో కల్యాణోత్సవం, ఊంజల్‌సేవ, ఆర్జిత బ్రహ్మోత్సవం, సహస్రదీపాలంకారసేవలు ఉన్నాయి. అలాగే మార్చి, ఏప్రిల్‌, మే నెలలకు సంబంధించిన మిగతా ఆర్జితసేవా టికెట్లకు ఆన్‌లైన్‌ లక్కీడిప్‌ నమోదు ప్రక్రియ బుధవారం ఉదయం 10 గంటల నుంచి 24వ తేదీ ఉదయం 10 గంటల వరకు అందుబాటులో ఉంటుంది. లక్కీడిప్‌లో టికెట్లు పొందిన వారు సొమ్ము చెల్లించి సేవలను ఖరారు చేసుకోవాల్సి ఉంటుంది.