Vishnukumar Raju: అమరావతి రైతులను సీఎం జగన్ వంచించారు..

విశాఖ (Visakha): అమరావతి రైతుల (Amaravathi Farmers) ఉద్యమానికి బీజేపీ (BJP) రాష్ట ఉపాధ్యక్షుడు విష్టుకుమార్ రాజు (Vishnukumar Raju) సంఘీభావం తెలిపారు. ఈ సందర్భంగా శుక్రవారం ఆయన ఇక్కడ మీడియాతో మాట్లాడుతూ అమరావతి రైతులను ముఖ్యమంత్రి జగన్మోహన్ రెడ్డి (CM Jagan) వంచించారని...దారుణంగా మోసం చేశారని విమర్శించారు. రైతులపై పెట్టిన కేసులు బేషరతుగా ఉపసంహరించుకోవాలని డిమాండ్ చేశారు. మళ్లీ జగన్ గెలిస్తే.. రాష్ట్రం ఎడారి అవుతుందన్నారు. వైసీపీ నేతలు (YCP Leaders) విశాఖలో విలువైన ఆస్తులు దోచుకోవడానికే పరిపాలన రాజధాని అంటున్నారని ఆరోపించారు. అమరావతే రాష్ట్రానికి ఎకైక రాజధాని అని.. ఇదే బీజేపీ విధానమని, మూడు రాజధానులకు (Three Capitals) బీజేపీ మద్దతులేదని విష్టుకుమార్ రాజు స్పష్టం చేశారు.

కాగా అమరావతి రైతులు చేపట్టిన ఉద్యమం 1200 రోజులు గడిచాయి. రైతులు తమ భూమిని అమరావతి రాజధాని కోసం ఇచ్చారు. దాన్ని సీఎం జగన్ (CM Jagan) నిర్వీర్యం చేస్తుంటే తట్టుకోలేక రోడ్ల మీదకు వచ్చారు. అవిశ్రాంతంగా పోరాడుతున్నారు. భూములు ఇచ్చి మరీ రోడ్డున పడ్డా.. మొక్కవోని పట్టుదలతో పోరాడుతున్నారు. కరోనా.. ప్రభుత్వ నిర్బంధాలు వారిని ఏమీ చేయలేకపోయాయి. ప్రజా సంఘాలు, రాజకీయ పార్టీలు రైతుల ఉద్యమానికి మద్దతు తెలుపుతున్నారు. ఓ వైపు ఉద్యమం చేస్తూ.. రాజధానిని నిర్వీర్యం చేయడానికి జగన్ ప్రభుత్వం మూడు రాజధానులంటూ కుట్ర చేస్తోంది.