Viral News: ఎలాన్ మస్క్ ట్విట్టర్ లోగో మార్చేశాడు..! కొత్త లోగోపై నెటిజన్లు ఏమంటున్నారంటే..!

మస్కా.. మజాకా..! ఎలాన్ మస్క్ ఏ నిర్ణయం తీసుకున్నా సంచలనమే..ఎప్పుడు సంచలన నిర్ణయాలతో వార్తల్లో ఉండే ఈ ట్విట్టర్ అధినేత(Twitter CEO) ఈసారి మరో సంచలనంతో వార్తల్లో నిలిచాడు. ట్విట్టర్ లోగో పిట్ట బొమ్మ( Twitter Iconic Blue Bird logo)ను మార్చాడు. దాని స్థానంలో కుక్క(Doge Meme ) బొమ్మను చేర్చారు. ఇకపై ట్విట్టర్ వెబ్ వెర్షన్ హోమ్ బటన్(Home Button)గా డోగ్ తో పనిచేస్తుంది. సోమవారం అర్థరాత్రి ట్విట్టర్ కొత్త లోగో సంబంధించి పోస్ట్ చేశాడు. ఇది క్రిప్టో కరెన్సీ లోగోను పోలి ఉంది. ట్విట్టర్ లోగో మార్పుపై నెటిజన్లు ఆశ్చర్యానికి గురి చేసింది.

అయితే ట్విట్టర్ లోగో మార్పుపై నెటిజన్లు ఫన్నీ కామెంట్స్ చేస్తున్నారు. డాగ్ యాష్ ట్యాగ్ ఇప్పుడు ట్విట్టర్ లో హల్చల్ చేస్తోంది. సోమవారం అర్థరాత్రి దాటాకా ఓ ఫొటోను ఎలాన్ మస్క్ ట్విట్టర్ లో పోస్ట్ చేశారు. ఇందులో కారు డ్రైవింగ్ సీటులో కుక్క కూర్చొని తన లైసెన్స్ ను పోలీసులకు చూపిస్తున్నట్లుగా ఉంది. దీనిని చూస్తే మస్క్ తన ట్విట్టర్ లోగోను మార్చినట్టు తెలుస్తోంది.

ట్విట్టర్ సొంతం చేసుకున్న తర్వాత మస్క్ భారీ మార్పులే చేశారు. కీలకమైన ఉద్యోగులతోపాటు 50 శాతం మంది ఉద్యోగులను తొలగించడం అప్పట్లో సంచలనంగా మారింది.