రక్తంలో చక్కెర స్థాయిలను నియంత్రించడంలో సహాయపడే అనేక ఆహారాల గురించి మనకు తెలుసు. కానీ పానీయాల సంగతి ఏమిటి? ముఖ్యంగా మధుమేహ వ్యాధిగ్రస్తులైతే, క్యాలరీలు, స్వీటెనర్‌తో కూడిన పానీయాలకు దూరంగా ఉండాలి. మరి వేసవి కాలంలో, ఆ రిఫ్రెష్ డ్రింక్స్ నుండి దూరంగా ఉండటం కష్టంగా మారుతుంది. ఈ పానీయాలలో ఎక్కువ భాగం చక్కెర ఉంటుంది. పైగా ఇది రక్తంలో చక్కెర స్థాయిలలో అకస్మాత్తుగా పెంచేస్తుంది. అయితే.. వేడిని అధిగమించడానికి, మధుమేహ వ్యాధిగ్రస్తులు సరైన ప్రత్యామ్నాయాలను ఎంచుకోవడం చాలా అవసరం.

వీరికి సరిపడే కూలింగ్ డ్రింక్స్

1. నీరు

నియంత్రణలేని రక్తంలో చక్కెర స్థాయిలు నిర్జలీకరణానికి దారితీస్తాయి. తగినంత నీరు త్రాగడం వల్ల మూత్రం ద్వారా అదనపు గ్లూకోజ్‌ని వదిలించుకోవడానికి, రక్తంలో చక్కెర స్థాయిలను నియంత్రించడంలో సహాయపడుతుంది.

2. చక్కెర లేకుండా నిమ్మరసం

వేసవిలో నిమ్మరసం సులువుగా దొరుకుతుంది అంతే కాదు ఇది చల్లదనాన్ని కూడా అందిస్తుంది. మధుమేహ వ్యాధిగ్రస్తులైతే, చక్కెరను మినహాయించి నిమ్మరసాన్ని తాగవచ్చు.

ఇది కూడా చదవండి: సీజన్ మారేటప్పుడు ఈ 6 ఆహార పదార్థాలు తింటే చాలు.. మీ ఆరోగ్యం భేష్ !

3. కూరగాయల రసం

పండ్ల రసాలను అధిక మొత్తంలో సహజ చక్కెరలతో తీసుకోవచ్చు. నచ్చిన కూరగాయలతో రసం చేసి దానిలో ఉప్పును కలిపి తీసుకోవచ్చు.

4. కొబ్బరి నీరు

కొబ్బరి నీరు హైడ్రేటింగ్, రిఫ్రెష్, పోషకమైనది. ఇది తక్కువ గ్లైసెమిక్ ఇండెక్స్ చాలా తక్కువ చక్కెర కంటెంట్ కలిగి ఉంటుంది. కొబ్బరి నీళ్లలో రక్తంలో చక్కెర స్థాయిలను నియంత్రించడంలో సహాయపడే పోషకాలు కూడా ఉన్నాయి. మధుమేహం ఉన్నవారు కొబ్బరి నీళ్లను తాగవచ్చు. కాకపోతే డాక్టర్ సలహా మీద మాత్రమే తీసుకోవాలి.

5. మజ్జిగ

మజ్జిగ తాగడం వల్ల రక్తపోటు, కొలెస్ట్రాల్ స్థాయిలు తగ్గుతాయి. ఇది తక్కువ గ్లైసెమిక్ ఇండెక్స్, తక్కువ కొవ్వు పదార్థం, తక్కువ కేలరీలు కలిగి ఉన్నందున ఇది మధుమేహ వ్యాధిగ్రస్తులకు కూడా మంచి పానీయం.