Hyderabad: యువతులకు గది అద్దెకిచ్చాడు.. వారు గదిలో ఏం చేస్తున్నారో చూసేందుకు..
ABN , First Publish Date - 2023-07-12T13:39:24+05:30 IST
యువతులకు గది అద్దెకిచ్చాడు.. వారు గదిలో ఏం చేస్తున్నారో చూసేందుకు విద్యుత్‌ మీటర్‌ బిగిస్తున్నట్టు నటించి అందులో కెమెరా పెట్టాడు. కొద్ది రోజులకు గుర్తించిన యువతులు పోలీసులకు ఫిర్యాదు చేశారు. హైదరాబాద్‌లోని వెంకటగిరి హైలమ్ కాలనీలో ఈ ఘటన వెలుగుచూసింది.
యువతుల గదిలో సీక్రెట్‌ కెమెరా
మీటర్‌ బాక్స్‌లో ఏర్పాటు చేసిన ఇంటి యజమాని
బంజారాహిల్స్‌ (ఆంధ్రజ్యోతి): యువతులకు గది అద్దెకిచ్చాడు.. వారు గదిలో ఏం చేస్తున్నారో చూసేందుకు విద్యుత్‌ మీటర్‌ బిగిస్తున్నట్టు నటించి అందులో కెమెరా పెట్టాడు. కొద్ది రోజులకు గుర్తించిన యువతులు పోలీసులకు ఫిర్యాదు చేశారు. వివరాలు ఇలా ఉన్నాయి.. నగరానికి చెందిన ఓ యువతి, అతడి సోదరుడు, మరో యువతి జూబ్లీహిల్స్‌లోని ఓ రెస్టారెంట్‌లో పని చేస్తున్నారు. వీరు వెంకటగిరి హైలమ్ కాలనీలోని ఓ ఇంట్లో రెండు నెలల క్రితం అద్దెకు దిగారు. వారు వచ్చే ముందే ఇంటి యజమాని సయ్యద్‌ సలీం విద్యుత్‌ మీటర్‌ ఏర్పాటుకు ఉపయోగించే బాక్స్‌ను బిగించాడు. అందులో ఓ కెమెరాను అమర్చాడు. రెండు రోజుల క్రితం యువతులు మీటర్‌ బాక్స్‌ను పరిశీలించగా అందులో కెమెరా కనిపించింది. బాధితులు జూబ్లీహిల్స్‌ పోలీసులకు ఫిర్యాదు చేశారు. పోలీసులు సలీంను అరెస్ట్‌ చేశారు.
