విశ్వ సుందరి..విక్టోరియా కెజార్‌
ABN , Publish Date - Nov 18 , 2024 | 02:25 AM
డెన్మార్క్‌కు చెందిన విక్టోరియా కెజార్‌ హెల్విగ్‌ 2024 సంవత్సరానికి మిస్‌ యూనివర్స్‌గా ఎంపికయ్యారు.
డెన్మార్క్‌ భామను వరించిన కిరీటం
ఆ దేశానికి ‘మిస్‌ యూనివర్స్‌’ ఇదే తొలిసారి
రన్నరప్‌లుగా నైజీరియా, మెక్సికో యువతులు
టాప్‌-30లో భారత్‌కు చెందిన రియా
న్యూఢిల్లీ, నవంబరు 17: డెన్మార్క్‌కు చెందిన విక్టోరియా కెజార్‌ హెల్విగ్‌ 2024 సంవత్సరానికి మిస్‌ యూనివర్స్‌గా ఎంపికయ్యారు. మెక్సికోలోని ఎరెనా నగరంలో శనివారం జరిగిన ఈ పోటీలకు 120 మంది యువతులు హాజరయ్యారు. నైజీరియాకు చెందిన చిడిమా ఎడెషినా ద్వితీయ స్థానంలో, మెక్సికోకు చెందిన మరియా ఫెర్నాండ బెలా్ట్రన్‌ తృతీయ స్థానంలో నిలిచారు. భారత్‌కు చెందిన రియా సింఘా తుది 30 మందిలో చోటు దక్కించుకున్నారు.
