Allu Arjun: ఆ కారణంతోనే రాత్రంతా జైల్లోనే అల్లు అర్జున్‌

హైదరాబాద్: పాన్ ఇండియా స్టార్ అల్లు అర్జున్(Allu Arjun)ను పోలీసులు శుక్రవారం అరెస్టు చేశారు. 'పుష్ప 2 ది రూల్' మూవీ ప్రీమియర్ షోలో రేవతి అనే మహిళ మరణించిన కేసులో శుక్రవారం హైదరాబాద్ పోలీసులు ఆయనను అరెస్ట్ చేసిన విషయం తెలిసిందే. ఇవాళ(శనివారం) ఉదయం 6:45 గంటలకు చంచల్ గూడ జైలు నుంచి ఆయనను విడుదల చేశారు. అల్లు అర్జున్‌కు నాంపల్లి కోర్టు 14 రోజుల రిమాండ్ విధించడంతో చర్లపల్లి జైలుకు తరలించారు. జైల్లోనే రాత్రంతా ఉన్నారు.

అల్లు అర్జున్ రాత్రంతా జైల్లో ఉండటంపై జైలు అధికారుల మీద కోర్టు ధిక్కరణ కేసు వేసే అవకాశం ఉంది. అల్లు అర్జున్‌ను వెంటనే విడుదల చేయాలని హైకోర్టు స్పష్టమైన ఆదేశాలు జారీ చేసిందని.. అయినా ఉద్దేశపూర్వకంగా రాత్రంతా జైలు అధికారులు జైల్లో ఉంచారని అల్లు అర్జున్ లాయర్లు అన్నారు. ఈ విషయంపై చట్టపరమైన చర్యలు తీసుకుంటామని అల్లు అర్జున్ లాయర్లు ప్రకటించారు.

4 వారాల మధ్యంతర బెయిల్‌‌..

మధ్యంతర బెయిల్‌పై అల్లు అర్జున్‌ ఈరోజు విడుదలయ్యారు. 4 వారాల మధ్యంతర బెయిల్‌‌ను తెలంగాణ హైకోర్టు మంజూరు చేసింది. రూ.50 వేల వ్యక్తిగత పూచీకత్తుతో అల్లు అర్జున్‌కు బెయిల్‌ మంజూరు చేసింది. మధ్యంతర బెయిల్‌ వచ్చినా రాత్రంతా జైలులోనే అల్లు అర్జున్‌ ఉన్నారు. బెయిల్ ప్రక్రియ ఆలస్యం కావడంతో ఇవాళ విడుదల చేశారు. అల్లు అర్జున్‌తో పాటు సంధ్యాథియేటర్‌ యాజమాన్యాన్ని కూడా విడుదల చేశారు. చంచల్‌గూడ జైలుకు ఇప్పటికే అల్లు అరవింద్‌ చేరుకున్నారు. జైలు అధికారులకు బెయిల్‌ ఆర్డర్‌ కాపీ అందజేశారు. మంజీరా బ్యారక్‌ నుంచి అడ్మిషన్‌ బ్యారక్‌కు అల్లు అర్జున్‌ను తరలించినట్లు సమాచారం. అల్లు అర్జున్‌ కోసం జైలుకు ఆయన బాడీగార్డ్స్‌ చేరుకున్నారు. చంచల్‌గూడ జైలు దగ్గర భారీగా పోలీసులు మోహరించారు.

జైలు అధికారులు ఏమన్నారంటే..

అల్లు అర్జున్‌ను ఉదయం 6.45 గంటలకు విడుదల చేశామని జైలు అధికారులు తెలిపారు. భద్రతా కారణాల దృష్ట్యా అల్లు అర్జున్‌ను వెనుక గేటు నుంచి పంపించామని చెప్పారు. అల్లు అర్జున్‌తో పాటు మరో ఇద్దరు నిందితులను విడుదల చేశామని అన్నారు. సంధ్యా థియేటర్‌ యజమానిని విడుదల చేశామని జైలు అధికారులు వెల్లడించారు. అల్లు అర్జున్‌ బెయిల్ పేపర్లు అందడానికి ఆలస్యమైందని జైలు అధికారులు తెలిపారు. రాత్రి 10 గంటల తర్వాత బెయిల్‌ పేపర్లు అందాయని జైలు అధికారులు తెలిపారు. చంచల్‌గూడ జైలు నుంచి గీతా ఆర్ట్స్‌ కార్యాలయానికి అల్లు అర్జున్‌ చేరుకున్నారు. గీతా ఆర్ట్స్‌ ఆఫీస్‌ నుంచి నివాసానికి చేరుకునే అవకాశం ఉంది. అల్లు అర్జున్‌ నివాసం దగ్గర బారికేడ్లు ఏర్పాటు చేశారు.

చంచల్‌గూడ జైలు వద్ద భారీ బందోబస్తు..

హైదరాబాద్‌ పోలీస్‌ ఉన్నతాధికారులు అల్లు అర్జున్‌‌ను విడుదల చేస్తుండటంతో చంచల్‌గూడ జైలు వద్ద పోలీసులు భారీ బందోబస్తు ఏర్పాటు చేశారు. నాంపల్లి కోర్టు నిన్న(శుక్రవారం) 14 రోజులు రిమాండ్‌ విధించడంతో ప్రత్యేక పోలీస్‌ బృందం భారీ బందోస్తు నడుమ అల్లు అర్జున్‌ను చంచల్‌గూడ జైలుకు తరలించిన విషయం తెలిసిందే. ఈరోజు(శనివారం) బన్నీ విడుదల అవుతుండటంతో ఆయన అభిమానులు పెద్ద ఎత్తున జైలు వద్దకు చేరుకున్నారు.

ఈ వార్తలు కూడా చదవండి

Allu Arjun: జైలు నుంచి విడుదలయ్యాక అల్లు అర్జున్ ఏమన్నారంటే...

Allu Arjun: చంచల్‌గూడ జైలు నుంచి అల్లు అర్జున్‌ విడుదల

Hyderabad: సీఎం రేవంత్‏కు ఎమ్మెల్యే రాజాసింగ్‌ లేఖ.. దాంట్లో ఏమున్నదంటే..

For Telangana News And Telugu News