Rewind 2024: స్టార్టప్‌ల పనితీరు 2024లో ఎలా ఉందో తెలుసా..
ABN , Publish Date - Dec 18 , 2024 | 08:22 PM
ప్రస్తుత కార్పొరేట్ ప్రపంచంలో మారుతున్న పరిస్థితులకు అనుగుణంగా అనేక మార్పులు చోటుచేసుకుంటున్నాయి. ఈ క్రమంలో కొత్తగా ప్రారంభించిన పలు స్టార్టప్ కంపెనీలు ఇప్పటికే క్లోజ్ చేసుకోగా, మరికొన్ని మాత్రం ఇతర కంపెనీలతో విలీనం అవుతున్నాయి. ఇంకొన్ని స్టార్టప్స్ మాత్రం నిలదొక్కుకుని అగ్రస్థానంలో కొనసాగుతున్నాయి. ఆ విశేషాలేంటో ఇక్కడ చూద్దాం.
ప్రజలు కాలానుగుణంగా వారి కెరీర్‌లను ఎంచుకునే విధానంలో కూడా మార్పులు వస్తున్నాయి. ఈ క్రమంలోనే ప్రతి ఒక్కరూ సొంతంగా స్టార్టప్ లేదా బిజినెస్ ప్రారంభించాలని అనుకుంటున్నారు. ఈ నేపథ్యంలోనే వ్యాపార రంగంలో పలువురు మంచి పురోగతి సాధించగా, మరికొంత మంది మాత్రం ఇబ్బంది పడుతున్నారు. ఇలాంటి క్రమంలో గత రెండు దశాబ్దాల్లో ఎన్నో స్టార్టప్‌లు పుట్టుకొచ్చాయి. అనతికాలంలోనే కోట్ల వాల్యూయేషన్‌కు చేరుకున్నాయి. వీటిలో చాలా స్టార్టప్‌లు యునికార్న్ స్టార్టప్‌ల జాబితాలో కూడా చేర్చబడ్డాయి. ఈ నేపథ్యంలో బలమైన ఫండమెంటల్స్‌తో 2024లో అత్యధికంగా అభివృద్ధి చెందుతున్న స్టార్టప్‌ల గురించి ఇక్కడ తెలుసుకుందాం.
జెప్టో
స్టార్టప్ కంపెనీ ప్రారంభించి సక్సెస్ అయిన వాటిలో జెప్టో అగ్రస్థానంలో ఉందని చెప్పవచ్చు. జెప్టో (Zepto) అనేది హైపర్ లోకల్ డెలివరీ ప్లాట్‌ఫారమ్. ఇది కేవలం 10 నిమిషాల్లోనే కస్టమర్‌లకు మంచి ఆర్డర్‌లను అందజేస్తామని హామీ ఇచ్చింది. Zepto ద్వారా పండ్లు, కూరగాయలు, మందులు సహా ఇతర కిరాణా వస్తువులను కూడా ఆర్డర్ చేసుకోవచ్చు. ఈ స్టార్టప్ కంపెనీని జెప్టన్‌ ఆదిత్ పాలిచా, కైవల్య వోహ్రా 2020లో స్థాపించారు. ఇది అతి తక్కువ సమయంలోనే మంచి వ్యాపార సంస్థగా ఎదిగింది. ఇది భారతదేశంలోని దాదాపు అన్ని పెద్ద నగరాలకు సేవలను అందిస్తోంది. ఈ క్రమంలో ఆగస్టు 2024 నాటికి Zepto కంపెనీ స్టార్టప్ విలువ 5 బిలియన్ డాలర్లకు (రూ. 4,24,13,87,50,000) చేరుకుంది.
క్రిడ్
విజయం సాధించిన స్టార్టప్‌లలో క్రిడ్ (CRED) కూడా ఒకటి. దీనిని 2018లో కునాల్ షా స్థాపించారు. ప్రస్తుతం దీని మొత్తం వాల్యుయేషన్ 2024లో దాదాపు 6 బిలియన్ డాలర్లకు చేరుకుంది. క్రెడిట్ కార్డ్ వినియోగదారులు తమ క్రెడిట్ బిల్లు చెల్లింపులను CRED ద్వారా సులభంగా చెల్లింపు చేసుకోవచ్చు. ప్రతిఫలంగా వారికి రివార్డులు, క్యాష్‌బ్యాక్ వంటి సౌకర్యాలు లభిస్తాయి. దీంతో పాటు కస్టమర్‌లు వారి ఖర్చులపై నిఘా, నియంత్రణ చేయవచ్చు. CRED అప్లికేషన్ ప్రస్తుతం 25 మిలియన్ల కంటే ఎక్కువ మంది వినియోగదారులను కలిగి ఉంది.
ఓలా ఎలక్ట్రిక్
ఓలా ఎలక్ట్రిక్ స్టార్టప్ భారతదేశంలో ద్విచక్ర వాహనాలను ప్రోత్సహించే ఉద్దేశంతో స్థాపించబడింది. ఇది కూడా చాలా తక్కువ సమయంలోనే మంచి కస్టమర్ బేస్‌ను సంపాదించుకుంది. దీనిని 2017లో ఓలా క్యాబ్స్ వ్యవస్థాపకుడు భవిష్ అగర్వాల్ స్థాపించారు. అంతేకాదు ఈ కంపెనీ ఇటివల ఐపీఓకు కూడా వచ్చింది.
భారత్ పే
భారత్ పే (BharatPe) కూడా బహుళజాతి ఫిటెక్ కంపెనీ. ఇది చిన్న వ్యాపారులు, కిరాణా దుకాణాల్లో డిజిటల్ చెల్లింపులను సులభతరం చేసుకునేందుకు వచ్చిన స్టార్టప్. BharatPe ద్వారా రుణ సౌకర్యం కూడా పొందవచ్చు. UPI కోసం QR కోడ్ సేవలను ప్రారంభించిన మొదటి సంస్థ BharatPe. దీనిని 2018లో శాశ్వత్ నక్రానీ స్థాపించారు. ఇప్పుడు 2024లో BharatPe $ 2.9 బిలియన్ల విలువతో స్టార్టప్‌గా మారింది. ఇది భారతదేశం అంతటా 63 మిలియన్లకు పైగా వినియోగదారులను కలిగి ఉంది.
BharatX
భారతదేశంలోని గ్రామీణ ప్రాంతాలతోపాటు పట్టణాల్లో డిజిటల్ పేమెంట్స్‌ను విస్తరించడంలో BharatX స్టార్టప్ మంచి గుర్తింపు తెచ్చుకుంది. ప్రత్యేకంగా టైర్-2, టైర్-3 నగరాల్లో దీని వినియోగం పెరిగింది. దీంతో ఇది ఈ ఏడాది 100 మిలియన్ డాలర్ల సిరీస్ C ఫండింగ్‌ను ఆకర్షించింది.
FitLife
FitLife ఆరోగ్య-టెక్ విభాగంలో ఇది గుర్తింపు పొందింది. వ్యక్తిగత ఆహార, వ్యాయామ సూచనల కోసం ఇది AI ఆధారిత సేవలను అందిస్తుంది. ఈ ప్లాట్‌ఫాంను 2024లో యూజర్‌లు విస్తృతంగా వినియోగించారు. దీంతో ఇది భారతదేశంలో వేగంగా అభివృద్ధి చెందిన ఆరోగ్య స్టార్టప్‌గా నిలిచింది
AquaTech
AquaTech నీటి శుద్ధి, పంపిణీ సేవలపై దృష్టి పెట్టిన ఈ స్టార్టప్, భారతదేశంలోని దూర ప్రాంతాల్లో నీటి వసతులను అందించడంలో మంచి ప్రగతిని సాధించింది. ఈ సంవత్సరం ఈ సంస్థ గవర్నమెంట్‌తో భారీ ఒప్పందాలను దక్కించుకుంది.
AgroLeap
AgroLeap వ్యవసాయ రంగంలో IoT ఆధారిత పరిష్కారాలను అందించే సంస్థ. రైతులకు మరింత సమర్ధవంతమైన పద్ధతులలో వ్యవసాయం చేయడానికి సహాయపడుతోంది. 2024లో అగ్రి-బిజినెస్‌లతో చేసిన భాగస్వామ్యాల వల్ల ఈ సంస్థ సపోర్ట్ పెరిగింది.
UrbanWheels
UrbanWheels ఒక ఎలక్ట్రిక్ వాహన స్టార్ట్‌ప్. 2024లో ఎలక్ట్రిక్ వాహనాల పెరుగుతున్న డిమాండ్‌ను చేరుకోవడంలో ప్రగతిని సాధించింది. చిన్న, మధ్యతరహా ఎలక్ట్రిక్ వాహనాలపై దృష్టి పెట్టి ఈ సంస్థ మరింత పాపులర్ అయింది.
ఇక ప్రపంచవ్యాప్తంగా చూసుకుంటే గత దశాబ్దంలో 2015 నుంచి 2021 వరకు ఫార్చ్యూన్ గ్లోబల్ 500 సంస్థలు ప్రతి సంవత్సరం 150 నుంచి 200 టెక్నాలజీ స్టార్టప్‌లను కొనుగోలు చేశాయి. ఇవి ఏటా సగటున $60 బిలియన్లు పెట్టుబడి పెట్టడం విశేషం.
కంట్రీ- కంపెనీ- స్టార్టప్ అక్విజేషన్స్ - మొత్తం డీల్ విలువ
1. USA -ఆల్ఫాబెట్- 222- $16.6B
2. USA- Microsoft- 140- $50.1B
3. USA- సిస్కో సిస్టమ్స్- 134- $59.8B
4. ఐర్లాండ్ -యాక్సెంచర్- 119- బహిర్గతం చేయబడలేదు
5. USA- Apple -102- $6.5B
6. USA- మెటా ప్లాట్‌ఫారమ్‌లు- 98 $23.5B
7. USA- IBM- 93- $21.5B
8. USA- అమెజాన్- 76- $10.7B
9. USA- Oracle- 76- $7.6B
10. USA- సేల్స్‌ఫోర్స్- 63- $61.5B
11. USA- ఇంటెల్- 57- $4.9B
12. జర్మనీ- సిమెన్స్- 40- $2.5B
13. USA- Qualcomm- 34- $3.1B
14. స్విట్జర్లాండ్- రోచె గ్రూప్- 32- $20.3B
15. దక్షిణ కొరియా- Samsung ఎలక్ట్రానిక్స్- 32- $1B
టాప్ 15లో అమెరికాయేతర సంస్థలలో సీమెన్స్ (జర్మనీ), యాక్సెంచర్ (ఐర్లాండ్), రోచె (స్విట్జర్లాండ్), శాంసంగ్ (దక్షిణ కొరియా) మాత్రమే ఉన్నాయి. వీటిలో భారత్ నుంచి ఒక్కటి కూడా లేదు.
ఇవి కూడా చదవండి:
Rewind 2024: ఈ ఏడాది భారత స్టాక్ మార్కెట్‌ను కుదిపిన టాప్ 12 సంఘటనలు
Interim Dividend: అగ్ర సంస్థ భారీగా డెవిడెండ్ ప్రకటన.. ఇన్వెస్టర్లకు లాభాలే లాభాలు..
Top Mutual Funds: గత ఐదేళ్లలో టాప్ 7 మ్యూచువల్ ఫండ్స్.. ఎంత రిటర్న్స్ ఇచ్చాయంటే..
Narayana Murthy: 70 గంటల పని విధానాన్ని మళ్లీ ప్రస్తావించిన నారాయణమూర్తి.. ఈసారి ఏం చెప్పారంటే..
Bitcoin Investment: ఇది కదా లక్కంటే.. అప్పటి 100 రూపాయల పెట్టుబడి, ఇప్పుడు 1.7 కోట్లు
Read More Business News and Latest Telugu News
