Stock Market : నేటి ఏప్రిల్ 4 ట్రేడ్ సెటప్, సపోర్ట్, రెసిస్టెన్స్ లెవెల్స్

Trade Setup For April 4: నిన్న అంతర్జాతీయ మార్కెట్లు ట్రంప్ టారిఫ్స్ పుణ్యమాని విలవిల్లాడిపోతే, మన మార్కెట్లు మాత్రం నిలదొక్కుకోవడం యావత్ ప్రపంచం దృష్టీ ఇండియాపై పడేలా చేసింది. ఈ నేపథ్యంలో ఇవాళ భారత మార్కెట్లు ఎలా స్పందిస్తాయన్నది అందరిలోనూ ఆసక్తిని రేకెత్తించే అంశం. ఇక, నేడు నిఫ్టీ 50 ఇండెక్స్‌కు షార్ట్ టర్మ్ సపోర్ట్ గా 23,100 స్థాయిని చెబుతున్నారు ట్రేడ్ పండితులు. దీని కంటే తక్కువ స్లయిడ్ ఇండెక్స్‌ను 22,800గా అంటున్నారు. అంతేకాదు, స్వల్పకాలిక మద్దతు 23,100 వద్ద లేదా అంతకంటే ఎక్కువగా ఉన్నంత వరకు, ట్రెండ్ బలంగా ఉండే అవకాశం ఉందని సూచిస్తున్నారు. ఇక, నిఫ్టీ 23,430 కంటే పైకి వెళ్తుంటే, బుల్లిష్ ట్రెండ్‌గా అర్థం చేసుకోవాలంటున్నారు. ఒకవేళ నిఫ్టీ 23,100 స్థాయి కంటే తక్కువకి వెళ్తే,అమ్మకాల ఒత్తిడి ఎదురయ్యే అవకాశం ఉందన్నది మార్కెట్ వర్గాల విశ్లేషణ. ఇది నిఫ్టీ ఇండెక్స్‌ను 22,800 వైపుకు లాగే అవకాశం ఉందని చెబుతున్నారు.

బ్యాంక్ నిఫ్టీ విషయానికొస్తే, కీలకమైన మద్దతు స్థాయిలు 51,030 నుండి 50,640 స్థాయిల పరిధిలో ఉండవచ్చంటున్నారు. మరోవైపు, షార్ట్ టర్మ్ లో 52,000 బ్యాంక్ నిఫ్టీ ఇండెక్స్‌కు ప్రధాన అడ్డంకి(రెసిస్టెన్స్)గా పనిచేస్తుందని, ఇండెక్స్ 50,640 స్థాయిలను కలిగి ఉన్నంత వరకు "బై ఆన్ డిప్స్" వ్యూహాన్ని అనుసరించాలని పెట్టుబడిదారులకు సలహా ఇస్తున్నారు.

మార్కెట్ రీక్యాప్ :

భారతదేశంతో పాటు ప్రపంచంపై అమెరికా అధ్యక్షుడు డొనాల్డ్ ట్రంప్ భారీ సుంకాలను విధించిన తర్వాత గురువారం(నిన్న) బెంచ్‌మార్క్ ఈక్విటీ సూచీలు నష్టాల్లో ముగిశాయి.NSE నిఫ్టీ 50 ఇండెక్స్ 82.25 పాయింట్లు లేదా 0.35% తగ్గి 23,250.10 వద్ద ముగిసింది. BSE సెన్సెక్స్ 322.08 పాయింట్లు లేదా 0.42% తగ్గి 76,295.36 వద్ద ముగిసింది.

F&O సూచనలు :

నిఫ్టీ ఏప్రిల్ ఫ్యూచర్స్ 0.48% తగ్గి 75.85 పాయింట్ల ప్రీమియంతో 23,325.95కి చేరుకుంది, ఓపెన్ ఇంట్రెస్ట్ 3.39% పెరిగింది. నిఫ్టీ 50 ఏప్రిల్ 9 ఎక్స్‌పయిరీ (గడువు సిరీస్) కోసం ఓపెన్ ఇంట్రెస్ట్ డిస్ట్రిబ్యూషన్ 23,000 కాల్ స్ట్రైక్‌ల వద్ద అత్యధిక కార్యాచరణను సూచించింది. 25,400 పుట్ స్ట్రైక్‌లు గరిష్ట ఓపెన్ ఇంట్రెస్ట్‌ను కలిగి ఉన్నాయి.

FII/DII :

నేషనల్ స్టాక్ ఎక్స్ఛేంజ్ నుండి అందుతున్న తాత్కాలిక డేటా ప్రకారం, విదేశీ పోర్ట్‌ఫోలియో పెట్టుబడిదారులు గురువారం వరుసగా నాలుగో రోజు రూ. 2,806 కోట్ల విలువైన ఈక్విటీలను అమ్మడంతో నికర అమ్మకందారులుగా నిలిచారు. అదే సమయంలో దేశీయ సంస్థాగత పెట్టుబడిదారులు రూ. 221.5 కోట్ల విలువైన ఈక్విటీలను కొనడంతో వరుసగా ఐదవ సెషన్‌లో నికర కొనుగోలుదారులుగా ఉన్నారు.

వార్తల్లోని ప్రధాన స్టాక్‌లు:

మజగాన్ డాక్ షిప్‌బిల్డర్స్: భారత ప్రభుత్వం 1.1 కోట్ల షేర్లను లేదా కంపెనీలో 2.83% వాటాను ఆఫర్ ఫర్ సేల్ ద్వారా ఒక్కో షేరుకు రూ. 2,525 చొప్పున నిర్ణయించిన ఫ్లోర్ ధరకు విక్రయించాలని యోచిస్తోంది.

వేదాంత: నాల్గవ త్రైమాసికంలో అల్యూమినియం ఉత్పత్తి 2% పెరిగి 2,421 కిలోలకు చేరుకుంది. శుద్ధి చేసిన లోహ ఉత్పత్తి కూడా 2% పెరిగి 1,052 కిలోలకు చేరుకుంది. జింక్ ఇంటర్నేషనల్ ఉత్పత్తి గత సంవత్సరంతో పోలిస్తే 52% గణనీయంగా పెరిగింది. ఈ త్రైమాసికంలో మొత్తం విద్యుత్ అమ్మకాలు త్రైమాసికం వారీగా 18% వృద్ధిని నమోదు చేశాయి.

HDFC బ్యాంక్: 2025 ఆర్థిక సంవత్సరం జనవరి-మార్చి త్రైమాసికంలో బ్యాంకు మొత్తం అడ్వాన్సులు సంవత్సరానికి 5.4% పెరిగి రూ.26.4 లక్షల కోట్లకు చేరుకోగా, నాల్గవ త్రైమాసికంలో డిపాజిట్లు సంవత్సరానికి 15.8% పెరిగి రూ.25.3 లక్షల కోట్లకు చేరుకున్నాయి. కరెంట్ అకౌంట్-పొదుపు ఖాతా డిపాజిట్లు 5.7% పెరిగి రూ.8.3 లక్షల కోట్లకు చేరుకున్నాయి.

కొనండం, అమ్మడం లేదా హోల్డ్ చేయడం కేటగిరీలో పెర్సిస్టెంట్ సిస్టమ్స్, M&M, నెస్లే, ఇన్ఫోసిస్, ITC, టాటా పవర్ — ఆస్క్ ప్రాఫిట్ షేర్లను నిఫుణులు సూచిస్తున్నారు.

కరెన్సీ మార్కెట్:

ట్రంప్ విధించిన సుంకాల వల్ల ఏర్పడిన ప్రారంభ నష్టాలను ఎదుర్కొన్న తర్వాత భారత రూపాయి US డాలర్‌తో పోలిస్తే బలంగా ముగిసింది. సుంకాల ప్రకటన తర్వాత బాగా తక్కువగా ప్రారంభమైన స్థానిక కరెన్సీ, మార్కెట్ సెంటిమెంట్ స్థిరీకరించడంతో కోలుకుంది. బ్లూమ్‌బెర్గ్ డేటా ప్రకారం, US డాలర్‌తో పోలిస్తే రూపాయి 7 పైసలు బలపడి 85.44 వద్ద ముగిసింది.

Read Also: ITR Filing 2025: ఫారం-16 ఉంటేనే ITR ఫైలింగ్ చేయగలమా.. లేకపోతే ఏం చేయాలి..

Lays Offs: ఉద్యోగుల కొంప ముంచిన ఏఐ.. ఆ కంపెనీలో వందల జాబ్స్ హుష్ కాకి

Today Gold Rate: స్వల్పంగా తగ్గిన గోల్డ్, వెండి ధరలు..