Ice Creams: ఎండాకాలంలో ఐస్‌క్రీమ్స్ తినడం సురక్షితమేనా..
ABN , Publish Date - Apr 03 , 2025 | 11:01 AM
పిల్లలకు ఐస్‌క్రీమ్స్ అంటే ఎంత ఇష్టమో ప్రత్యేకంగా చెప్పాల్సిన పనిలేదు. ఇక ఇప్పుడు వేసవికాలం వచ్చింది కాబట్టి వారు ఎన్ని ఐస్‌క్రీమ్స్ తింటున్నామన్నది కూడా పట్టించుకోకుండా లాగిస్తుంటారు. అయితే ఇలా ఐస్‌క్రీమ్స్ ఎక్కువగా తింటే పిల్లలకు చాలా హాని జరుగుతుందని వైద్య నిపుణులు అంటున్నారు. మరిన్ని విషయాలు తెలుసుకుందాం..
Life Style: వేసవి కాలం (Summer) వచ్చిందంటే ఐస్‌క్రీమ్స్ (Ice Creams) గుర్తుకు రావడం సహజం. ఎండలో నుండి ఇంటికి వచ్చినప్పుడు చల్లని ఐస్‌క్రీమ్ తింటే ఉపశమనం లభిస్తుంది. అయితే, ఎండాకాలంలో ఐస్‌క్రీమ్స్ తినడం మంచిదేనా.. ఏ రకాల ఐస్‌క్రీమ్స్ ఆరోగ్యానికి హాని (Health Tips) కలిగించవు.. ఏవి మానాలి.. ఈ విషయాలపై వైద్య నిపుణులు (Medical professionals), పోషకాహార నిపుణుల సలహాలు (Nutritionist advice), పలు సూచనలు (Instructions) చూద్దాం. వేసవిలో శరీర ఉష్ణోగ్రతను తగ్గించడానికి ఐస్‌క్రీమ్స్ ఒక రుచికరమైన ఎంపిక. ఇండియన్ మెడికల్ అసోసియేషన్ (IMA) నిపుణుల అంచనా ప్రకారం, మితంగా తీసుకుంటే ఐస్‌క్రీమ్స్ శరీరానికి హాని చేయవని, అయితే, ఎక్కువ చల్లని ఆహారాలు ఒక్కసారిగా తీసుకోవడం వల్ల గొంతు నొప్పి, జలుబు వంటి సమస్యలు రావచ్చునని తెలిపారు. ఎండలో ఉన్నప్పుడు శరీరం వేడిగా ఉంటుంది కాబట్టి, ఐస్‌క్రీమ్ తినే ముందు కొద్దిగా చల్లబడితే ఈ సమస్యలు తగ్గుతాయని వైద్యులు సూచిస్తున్నారు.
Also Read..: పిల్లలను పుస్తకాల పురుగులుగా మార్చే టిప్స్..
ఎలాంటి ఐస్‌క్రీమ్స్ తినాలి...
పోషకాహార నిపుణులు సహజ పదార్థాలతో తయారైన ఐస్‌క్రీమ్స్‌ను మాత్రమే సిఫారసు చేస్తారు. ఉదాహరణకు, పండ్లతో తయారైన ఐస్‌క్రీమ్స్ (మామిడి, స్ట్రాబెర్రీ, ఆరెంజ్ వంటివి) రుచితో పాటు విటమిన్లు, యాంటీ ఆక్సిడెంట్లను అందిస్తాయి. ఇంట్లో తయారు చేసిన ఐస్‌క్రీమ్స్.. పాలు, పంచదార, పండ్ల రసంతో చేసినవి.. ఆరోగ్యకరమైనవిగా ఉంటాయి. ఇటీవల హైదరాబాద్‌లోని ఒక సేంద్రియ ఆహార దుకాణం స్టీవియా (సహజ స్వీటెనర్)తో చేసిన ఐస్‌క్రీమ్స్‌ను పరిచయం చేసింది. ఇవి డయాబెటిస్ రోగులకు కూడా సురక్షితమని చెబుతున్నారు. అలాగే, గుడ్డు లేని, తక్కువ కొవ్వు ఉన్న ఐస్‌క్రీమ్స్ కూడా మంచిదే అంటున్నారు.
ఎలాంటి ఐస్‌క్రీమ్స్ తినకూడదు..
అధిక చక్కెర, కృత్రిమ రంగులు, ప్రిజర్వేటివ్స్ ఉన్న ఐస్‌క్రీమ్స్‌ను తినకుండా ఉండడం మంచిదని వైద్యులు సూచిస్తున్నారు. ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) హెచ్చరికల ప్రకారం, కొన్ని చౌక ఐస్‌క్రీమ్స్‌లో ఆరోగ్యానికి హానికరమైన రసాయనాలు ఉంటాయన్నారు. 2024లో ముంబైలో జరిగిన ఒక సంఘటనలో, కలుషిత ఐస్‌క్రీమ్ తినడం వల్ల 20 మంది పిల్లలు అనారోగ్యంతో ఆసుపత్రి పాలయ్యారు. అందుకే, నాణ్యత లేని, బ్రాండెడ్ కాని ఉత్పత్తులను తినకుండా ఉండడమే మంచిదంటున్నారు.
ఎంత మోతాదులో తినాలి...
ఎండాకాలంలో రోజుకు ఒక చిన్న కప్పు (100-150 గ్రాములు) ఐస్‌క్రీమ్ తినడం సురక్షితమని.. అధికంగా తీసుకుంటే కేలరీలు పెరిగి ఊబకాయం వచ్చే అవకాశముందని వైద్య నిపుణులు చెబుతున్నారు. డయాబెటిస్, ఆస్తమా ఉన్నవారు వైద్యుల సలహా తీసుకోవాలని.. అలాగే, ఐస్‌క్రీమ్ తిన్న వెంటనే చల్లని నీరు తాగడదని, ఇది గొంతు సమస్యలను తెచ్చిపెడుతుందని చెబుతున్నారు. ఎండాకాలంలో ఐస్‌క్రీమ్స్ తినడం మంచిదే, కానీ నాణ్యత, మోతాదు, శరీర స్థితిని దృష్టిలో ఉంచుకోవాలని.. సహజ పదార్థాలతో చేసినవి ఎంచుకోవడం, కలుషిత ఉత్పత్తులను మానడం ద్వారా రుచితో పాటు ఆరోగ్యాన్ని కాపాడుకోవచ్చునని వైద్యులు సూచిస్తున్నారు.
ఈ వార్తలు కూడా చదవండి..
కూల్ వాటర్ తాగుతున్నారా.. ఈ విషయాలు తెలుసుకోండి..
రేణుక, సుధీర్‌లది బూటకపు ఎన్‌కౌంటర్:మావోయిస్టు పార్టీ
భద్రాద్రిలో గరుడ ధ్వజ పట లేఖనం
For More AP News and Telugu News
