AP News: పేరంటాలపల్లిలో పోలవరం టీడీపీ కన్వీనర్ ఉదారత

జంగారెడ్డిగూడెం (ఏలూరు జిల్లా): పోలవరం (Polavaram) నియోజకవర్గ టీడీపీ (TDP) కన్వీనర్ బొరగం శ్రీనివాసులు (Boragam Srinivasulu) మరోసారి ఉదారత చాటుకున్నారు. పేరంటాలపల్లి గ్రామస్థులకు దుప్పట్లు, బియ్యం పంపిణీ చేశారు. శనివారం ఆయన వెలేరుపాడు మండలం కోయిదా పంచాయతీ పేరంటాలపల్లిలో పార్టీ నాయకులు, కార్యకర్తలతో కలిసి పర్యటించారు. ఈ సందర్భంగా ఆయన గ్రామస్థులతో మాట్లాడారు. వారి సమస్యలను అడిగి తెలుసుకున్నారు. వాటి పరిష్కారానికి తన వంతు కృషి చేస్తానని హామీ ఇచ్చారు. గ్రామ ప్రజలకు పార్టీ అండగా ఉంటుందన్నారు. గోదావరి వరదల సమయంలో వరద ఉధృతి ఎక్కువగా ఉండటంతో తాను పేరంటాలపల్లికి రాలేక అప్పట్లో కూరగాయలు, నిత్యావసరాలను పంపిణీ చేయించానని చెప్పారు. శ్రీనివాసులు వెంట సర్పంచ్ వల్ల కాంత, టీడీపీ మండల అధ్యక్షుడు అమరవరపు అశోక్, ప్రధాన కార్యదర్శి కట్టం రాంబాబు, ఎస్టీ సెల్ రాష్ట్ర కార్యదర్శి గోంది నాగేశ్వరరావు, కొమ్మన వెంకటేశ్వరరావు, చాపర్ల శ్రీను, కురిమెల్ల సుధాకర్, రామ్ కుమార్, రాజిరెడ్డి, గోపాలరెడ్డి, వెంకటేష్ రెడ్డి, ప్రసాద్ రెడ్డి, విశ్వనాథరెడ్డి, అర్జున్ రెడ్డి, సలీం, మాధవరెడ్డి, దుర్గారావు, మల్లయ్య, మల్లేష్, నఖిమ్, మహేష్, ఎన్ రాంబాబు, తదితరులు ఉన్నారు.