అవార్డు పాట.. స్పెషల్‌ ఆట

పాటల పరంగా కృష్ణ ఖాతాలో రికార్డు కాని రికార్డు ఇది! తెలుగు పాటకు తొలి జాతీయ అవార్డు వచ్చింది కృష్ణ పిక్చర్‌కే! అల్లూరి సీతారామరాజు చిత్రంలోని ‘తెలుగువీర లేవరా.. దీఽక్షబూని సాగరా’ పాటకు జాతీయ అవార్డు వరించింది. ఈ పాటను శ్రీశ్రీ రాశారు. ఆ తర్వాత మరో రెండు పాటలకు ‘జాతీయ’ గుర్తింపు దక్కింది. అందులో మాతృదేవోభవ చిత్రం కోసం వేటూరి రాసిన ‘రాలిపోయే పువ్వా నీకు రాగాలెందుకే’ పాటకు.. ఠాగూర్‌ చిత్రం కోసం నేను ‘సైతం ప్రపంచానికి సమిధనొక్కటి’ అన్న శ్రీశీ చరణతో సుద్దాల అశోక్‌ తేజ రాసిన పాటకు జాతీయ పురస్కారాలు లభించాయి. ఇక పాటల పరంగా ఎవరికీ దక్కని ‘ప్రత్యేక ఆదరణ’ కృష్ణకు లభించిందనే చెప్పొచ్చు. అవే.. ‘స్పెషల్‌ సాంగ్స్‌’! కొన్ని చిత్రాల్లో ఆయన ప్రత్యేక గీతాలు చేశారు. వాటిలో యమలీలలో ‘జుంబారే జుజుంబరే’ పాట, ‘పంచవన్నెల చిలక నన్ను ఎంచుకుందిరా’ పాటలు ఆదరణ పొందాయి.

నేను అక్షరం రాసినా దానికి కూడా విలువకట్టి పారితోషికం ఇచ్చిన ఏకైక వ్యక్తి కృష్ణ! సినీ ఫీల్డ్‌లో నా మీద ప్రత్యేకాభిమానం వున్న అనేకులలో ముఖ్యడుగా నట శేఖర కృష్ణను ఆత్మీయుడిగా పరిగణిస్తాను. అతని నటన గురించి చెప్పాలంటే ‘అల్లూరి సీతారామారాజు’ పాత్రనతడు పోషించిన విధానాన్ని దేశమంతా మెచ్చుకుంది. అందుచేత ప్రత్యేకించి ఈ విషయమై నేను పొగడక్కర లేదు.

- శ్రీశ్రీ