Chandrababu: తలపై తుపాకీ పెట్టి ప్రజల ఆస్తుల దోపిడీ

అమరావతి: వైసీపీ ప్రభుత్వం (Ycp Govt)పై టీడీపీ అధినేత నారా చంద్రబాబునాయుడు (Chandrababunaidu) విమర్శలు గుప్పించారు. ప్రజావేదికతో ప్రారంభమైన వైసీపీ విధ్వంసం..రాష్ట్రం అంతటా విస్తరించిందని చంద్రబాబు ఆగ్రహం వ్యక్తం చేశారు. పవన్ సభ నిర్వహణకు స్థలం ఇచ్చారని ఇప్పటంలో రోడ్డు విస్తరణ పేరుతో ఇళ్లు కూల్చేశారని చంద్రబాబు మండిపడ్డారు. విశాఖలోనూ పేదల ఇళ్లు కూల్చాశారని, వైసీపీ.. పేదల జీవితాలను కూల్చే ప్రభుత్వమని చంద్రబాబు ఆరోపించారు. వైసీపీకి వ్యతిరేకంగా పోరాటానికి అన్నివర్గాలు సమాయత్తం కావాలని, తలపై తుపాకీ పెట్టి ప్రజల ఆస్తులను వైసీపీ నేతలు దోచేస్తున్నారని చంద్రబాబు ఆక్షేపించారు.