Vijaya Baskar Reddy: వైసీపీ నాయకులు ఇబ్బందుల్లో ఉన్నారు..

సత్తెనపల్లి జిల్లా: రాబోయే ఎన్నికల్లో ఎమ్మెల్యే టిక్కెట్ (MLA Ticket) ఆశిస్తున్నానని వైసీపీ నేత (YCP Leader) చిట్టా విజయ బాస్కర్ రెడ్డి (Chitta Vijaya Baskar Reddy) అన్నారు. ఈ సందర్భంగా ఆదివారం ఆయన ఇక్కడ మీడియాతో మాట్లాడుతూ... సత్తెనపల్లి (Sattenapally)లో వైసీపీ ఉనికి కోల్పోయిన పరిస్థితి ఉందని, వైసీపీ నాయకులు ఇబ్బందుల్లో ఉన్నారని అన్నారు. మంత్రి అంబటి (Minister Ambati)ని కలసే పరిస్థితి నాయకులకు లేదన్నారు. అందరి సహకారంతో ఎమ్మెల్యే టిక్కెట్ తెచ్చుకుంటానన్నారు.

సత్తెనపల్లి ఆనాధ నియోజకవర్గం కాదని.. స్థానిక న్యాయకత్వం సత్తెనపల్లికి అవసరమని చిట్టా విజయ బాస్కర్ రెడ్డి అభిప్రాయం వ్యక్తం చేశారు. తన ప్రాణం ఉన్నంత వరకు వైసీపీ పార్టీని కాపాడతానని.. జూన్ నుంచి గ్రామాల్లో పర్యటిస్తానన్నారు. సత్తెనపల్లి ఎమ్మెల్యే సీటు విషయంలో రాజీ పడనని.. మంత్రి అంబటి ఇబ్బందులకు గురిచేస్తే తనకు తెలిజేయాలని చిట్టా విజయ బాస్కర్ రెడ్డి అన్నారు.