AP News : పాఠశాలలు, కాలేజీలకు జగనన్న సెలవు పథకం..!

ఏలూరు : ఇప్పటి వరకూ జగనన్న పథకాలు ఎన్నింటినో చూశాం.. లేటెస్ట్‌గా ఈ జగనన్న సెలవు పథకం ఏంటా? అని ఆలోచిస్తున్నారా? ఏమీ లేదండి.. ఏపీ సీఎం జగన్ నేడు ఏలూరు జిల్లా దెందులూరులో పర్యటిస్తున్నారు. ఆయన పర్యటన సందర్భంగా.. ఏలూరు జిల్లాలో పలు మండలాల్లోని పాఠశాలలు, కాలేజీలకు జగనన్న సెలవు పథకాన్ని అధికారులు ఇంప్లిమెంట్ చేశారు. అంటే స్కూళ్లు, కాలేజీలన్నింటికీ అధికారులు సెలవు ప్రకటించేశారన్న మాట. ప్రైవేటు స్కూళ్లు, కాలేజీల బస్సులను డ్వాక్రా మహిళల తరలింపునకు ఏర్పాటుచేసిన అధికారులు విమర్శలు రాకుండా ముందుగానే అన్ని విద్యాసంస్థలకు సెలవు ప్రకటించారు. విద్యా సంస్థల బస్సుల్లో మహిళలను సీఎం సభకు తరలించే బాధ్యతను వీ ఆర్‌ఓలు, సచివాలయ సిబ్బంది, వాలంటీర్లకు అప్పగించారు.