సీఐటీయూ జెండా ఆవిష్కరణ

కడప (సెవెన్‌రోడ్స్‌), జనవరి 10 : అఖిలభారత మహాసభలు ఈ నెల 18 నుంచి 22 వరకు బెంగళూరులో నిర్వహిస్తున్న సందర్భంగా సీఐటీయూ అఖిల భారత కమిటీ పిలుపు మేరకు మంగళవారం నగరంలోని ఆ యూనియన జిల్లా కార్యాలయం వద్ద సీఐటీయూ జెండా ఆవిష్కరించారు. ఈ కార్యక్రమానికి ఆ యూనియన జిల్లా అధ్యక్షుడు కామనూరు శ్రీనివాసులరెడ్డి అధ్యక్షత వహించారు. ఈ సందర్భంగా జిల్లా ప్రధాన కార్యదర్శి బి.మనోహర్‌ మాట్లాడుతూ 1970లో ఆవిర్భవించిన జాతీయ సంఘం సీఐటీయూ అని గుర్తు చేశారు. జాతీయ మహాసభ సందర్భంగా అఖిలభారత కమిటీ పిలుపు మేరకు అన్ని పని ప్రదేశాల్లో కార్యాలయాల వద్ద జెండాను ఆవిష్కరించామన్నారు. ప్రభుత్వం రంగ సంస్థలను ప్రైవేటు వారికి అప్పజెప్పాలని యత్నిస్తే ఊరుకోమన్నారు. దీని వల్ల నిరుద్యోగ సమస్య ఎక్కువైందన్నారు. ఈ కార్యక్రమంలో సీఐటీయూ నగర అధ్యక్షుడు పి.చంద్రారెడ్డి, నగర ప్రధాన కార్యదర్శి పి.సుబ్బయ్య, నాయకులు మౌలా, తారా, ఇమాం, మస్తాన్‌, ప్రభాకర్‌, గోపి తదితరులు పాల్గొన్నారు.