Janasena: పవన్ కల్యాణ్ మూడో విడత వారాహి విజయ యాత్ర షెడ్యూల్‌ విడుదల

అమరావతి: జనసేన (Janasena) అధినేత పవన్ కల్యాణ్ (Pawan Kalyan) మూడో విడత వారాహి విజయ యాత్ర షెడ్యూల్‌ను పార్టీ విడుదల చేసింది. ఈ నెల 10వ తేదీ నుంచి పవన్ కళ్యాణ్ వారాహి విజయ యాత్ర మూడో విడత ప్రారంభం కానుంది. విశాఖపట్నం నగరం నుంచి వారాహి విజయ యాత్ర మూడో విడత ప్రారంభం కానుంది. అదే రోజు విశాఖపట్నంలో వారాహి వాహనం నుంచి బహిరంగ సభ. 19వ తేదీ వరకూ ఈ యాత్ర సాగేలా షెడ్యూల్ రూపొందించారు. క్షేత్ర స్థాయి సమస్యలు, విశాఖలో చోటు చేసుకొంటున్న భూకబ్జాలకు సంబంధించి పవన్ కల్యాణ్ పరిశీలనలు చేయనున్నారు. పర్యావరణాన్ని ధ్వంసం చేసిన ప్రాంతాలను పవన్ కళ్యాణ్ సందర్శించనున్నారు. విశాఖలో యాత్రతో పాటు జనవాణి కార్యక్రమం‌ నిర్వహించేలా ప్రణాళికను పార్టీ సిద్ధం చేసింది.